Pravaj rukoj palityka Mikoły Statkieviča staŭ raniej nieviadomy aktyvist Siarhiej Sparyš.
Čytajcie taksama: Były siabar prałukašenkaŭskaj Kampartyi staŭ «hienieralnym sakratarom» ruchu Statkieviča. Chto taki Siarhiej Sparyš?
Sparyš pachodzić ź siamji hrodzienskaha mastaka, ale ŭ piku baćkam staŭ kamunistam, a potym pryjšoŭ da Statkieviča: siarod «hramadaŭcoŭ» nie pravioŭ i hodu, jak jaho abrali «hienieralnym sakratarom» ruchu.
Tyja vybary adbylisia tydzień tamu. Što paśpieŭ nahavaryć Sparyš u fejsbuku za hety čas? Prapanujem najbolš jaskravyja cytaty (u pierakładzie na biełaruskuju movu).
Pra Daškieviča:
«Haračy ačkasty junak praciahvaje svaju kłaunadu, a «niezaležnyja ŚMI» zadziejničany na padtancoŭcy. Synok, ty zabyŭ …».
«Synok, mnie padabajecca tvoj junacki zapał. Sam takim byŭ, kali išoŭ pa maładości ŭ kampartyju».
Pra kancert da 100-hodździa BNR:
«Zrabić z tanculek antyŭradavy mitynh? Ideja dobraja, ale prastytutki, jakija jaho arhanizujuć, nie daduć».
«Kancert budzie z aharodžaj, vakoł buduć chadzić amapaŭcy — heta jak u kancłahiery, ja tudy nie pajdu».
«My pasprabujem nie zryvać kancert».
Pra apazicyju:
«U apazicyi jość śmiełyja i sumlennyja ludzi, jakija hatovyja nie tolki bliny z łapaty jeści».
Pra navuku:
«Prapanuju nazvu dla dysiertacyi: «Rehularnaja masturbacyja na Vialikuju Litvu jak abaviazkovaja ŭmova dla pieraŭtvareńnia RB u narmalnuju krainu», abo «Dro*ka na movu jak šlach da pośpiechu ŭ 21 stahodździ».
Pra Paźniaka:
«Niejki levy čeł z Amieryki. … Jaho zaprašali. Chaj jedzie. Možna arhanizavać niefarmalnuju sustreču za horadam, samahonački dzierabnuć, salca zakusić. Jon nie pje? Dobra, ja kuplu jamu biezałkaholnaha kiefiru».
Pra čarnasociencaŭ:
[Čarnasociencu Jaŭhienu Uładzimiravu]: «Častka etnanacyjalistaŭ sami nie iduć na kantakt, dy ich i mała. Chočacie pahavaryć, mahčyma, pasupracoŭničać? Možna było b zładzić kanfierencyju jakuju-niebudź dla pačatku. Ładzili ŭžo ŭ Viciebsku i Mahilovie, možna zrabić jašče adnu — u Minsku».
Pra sens žyćcia:
«Nie zryvaj kvietak — jany zavianuć, nie vier bł*dziam — jany padmanuć».