Hramadstva4

Źmitra Palijenku pieraviali na šyćcio rukavic. Sa zdaroŭjem prablemaŭ niama

Źmicier Palijenka, jaki adbyvaje pakarańnie ŭ Babrujskaj kalonii, dniami dasłaŭ list baćku, u jakim raskazaŭ u tym liku pra svoj stan zdaroŭja, piša Radyjo Svaboda.

«Z nahoj u jaho ciapier narmalna. Sam piša, što rana ŭžo zahaiłasia, usio dobra. Nia viedaju, adkul uziałasia infarmacyja, što byli padazreńni na hanhrenu, mnie jon takoha nie paviedamlaŭ», — raskazaŭ pra stan źniavolenaha syna Alaksandar Palijenka.

Baćka abvierh i źviestki pra toje, što syna pieraviali ŭ horšyja ŭmovy pracy.

«Naadvarot. Jaho pieraviali z vyrabu kardonnych karobak, dzie šmat pyłu, na pašyŭku rukavic. Jon sam paprasiŭsia, kab pieraviali. U jaho ž astma była, nielha dychać hetym pyłam. Dyk ciapier lepš, bo pyłu tam niama. Choć tam i tam amal ničoha nie płaciać, moža, za hod jaki rubiel atrymaje, niedzie tak. Ale na rukavicach jamu lepiej», — paviedamiŭ Palijenka-starejšy.

Pry hetym Alaksandar Palijenka paćvierdziŭ, što syna ŭ kalonii peryjadyčna źmiaščajuć u karcer.

«Moža, nia kožny miesiac, ale byvaje. Jon tam u ich na asablivym rachunku, tamu žoŭtuju biračku na hrudziach nosić. Jak było ŭ nas spatkańnie, dyk byŭ z hetaj birkaj, jakaja aznačaje, što jon nieadnarazovy parušalnik režymu. Prydzirajucca da jaho, biezumoŭna, dy i jon sam taki, vy ž viedajecie, zapalčyvy. Tamu pa-roznamu byvaje».

Mikałaj Palijenka paviedamiŭ, što dniami adpraviŭ synu ŭ kaloniju pasyłku.

«Sabrali ź jahonymi siabrami pasyłku na 30 kilahramaŭ. Charčy, jakija jon prasiŭ, suchafrukty. Napisaŭ jamu pra pasyłku i ciapier čakaju paviedamleńnia, što jon pasyłku atrymaŭ. Nieŭzabavie musić adkazać. U traŭni ŭ jaho budzie dzień naradžeńnia, dyk źbirajusia na spatkańnie», — skazaŭ baćka palitviaźnia.

***

Źmitra Palijenku trymajuć u Babrujskaj kalonii ź siaredziny minułaha hodu. Jon maje vyjści na volu sioleta ŭ kastryčniku.

U kastryčniku 2016 hodu hramadzkamu aktyvistu Źmitru Palijenku, jakoha abvinavačvali ŭ napadzie na milicyjanta padčas akcyi «Krytyčnaja masa», prysudzili 2 hady źniavoleńnia z adterminoŭkaj. Praź niekalki miesiacaŭ Palijenku znoŭ aryštavali i asudzili ŭžo na realny termin za toje, što nibyta parušaŭ praviły adbyćcia pakarańnia. Dokazam stali zatrymańni aktyvista na pratestavych akcyjach.

Kamientary4

Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ6

Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ

Usie naviny →
Usie naviny

Tramp padčas debataŭ z Bajdenam nazvaŭ nieprymalnymi ŭmovy Pucina pa spynieńni vajny2

«Dobry lesarub, ale sa źviazanymi rukami». Dypłamaty padsumoŭvajuć vyniki pracy zvolnienaha ministra Alejnika10

Biełaruski taksist u Varšavie zarabiŭ bolš za 300 dalaraŭ za źmienu. Ale takoje ščaście nienadoŭha1

Chto ŭ Jeŭrasajuzie samy biedny i samy bahaty?14

Prapahandysty źbirajucca 3 lipienia «adnavić akt hienacydu»7

Ułady ZŠA prapanujuć $10 miljonaŭ za infarmacyju pra hramadzianina Rasii1

U Pakistan pryjšła vialikaja śpioka: zabityja balnicy, sotni pamierłych2

Biełarusam prapanavali vakansiju «mieniedžara pa šašłykach» za 3000 rubloŭ u miesiac1

U homielskim padvale nohi ŭ mužčyny ŭsiaho za chvilinu spres absieli błochi VIDEA2

bolš čytanych navin
bolš łajkanych navin

Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ6

Ukraina viarnuła piać svaich palitviaźniaŭ ź Biełarusi. I navat Mikołu Švieca, dyviersanta z Mačuliščaŭ

Hałoŭnaje
Usie naviny →