Na aŭtamabilnaj vystavie ŭ Ženievie Renault pradstaviła kancept bieśpiłotnaha elektramabila EZ-GO, nad jakim kampanija budzie pracavać bližejšym časam, pieradaje engadget.com.
Hałoŭnaja asablivaść EZ-GO — poŭnaja adsutnaść orhanaŭ kiravańnia. U sałonie niama rula i piedalaŭ, pry hetym u Renault zajaŭlajuć ab čaćviortym uzroŭni aŭtanomnaści. Na hetym uzroŭni datčyki apracoŭvajuć maksimalnuju kolkaść infarmacyi i zdolnyja adaptavacca da samych składanych situacyj na darozie. Nastupny, piaty, ŭzrovień — heta poŭnaja aŭtanomnaść mašyny. U EZ-GO dla niaštatnych situacyj praduhledžana dystancyjnaje kiravańnie. Maksimalnaja chutkaść elektramabila abmiežavanaja 50 km/h.
Elektramabil maje vielmi vialikuju płošču aškleńnia pavierchni. U vočy kidajecca taksama niezvyčajnaje raźmiaščeńnie siadzieńniaŭ.
Usiaho ŭ EZ-GO źmieściacca šeść pasažyraŭ. Dla zručnaści pasažyraŭ pry vychadzie adkryvajecca śpiecyjalny pandus.
Zapuścić vypusk elektramabila Renault płanuje ŭ 2022 hodzie. Da hetaha momantu kampanija spadziajecca stvaryć udaskanaleny aŭtapiłot i sfarmiravać sistemu bieśpiłotnaha karšerynhu — servisu arendy aŭtamabila.
-
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA
-
Pišuć listy aŭtavytvorcam i ŭ litoŭskuju mytniu. Sotni biełarusaŭ čakajuć padsankcyjnyja aŭto z ZŠA
-
U Biełarusi źmianili praviły ŭvozu aŭto z krain JEAES. Niekatorym pakupnikam daviadziecca dapłacić nie małyja hrošy
Kamientary