Fiermieram z Kamianieččyny, jakija trapili ŭ niałasku da miascovych uładaŭ, dali ziamlu — spryčynilisia Ryžankoŭ i «Naša Niva»
Letaś my pisali pra ŭzornuju fiermierskuju siamju Borsukaŭ, jakija viali haspadarku na Kamianieččynie. Jany trapili ŭ niamiłaść da asobnych funkcyjanieraŭ rajona dy pradpryjemstva «Savuškavaŭ».
![](http://nnexpictures.fra1.digitaloceanspaces.com/img/w732d4webp1/photos/z_2017_10/1001_hdz_kamianec_farmers_05-3v5lq.jpg.webp)
Čytajcie: Jak kamianieckija ŭłady zabylisia pra zakon: historyja pra zapałochanych fiermieraŭ, samadurstva i razborki ŭ styli 1990-ch
Praź niekalki dzion paśla publikacyi ŭ rajon pryjechaŭ pieršy namieśnik kiraŭnika Administracyi prezidenta Maksim Ryžankoŭ, jaki zładziŭ raznos miascovym čynoŭnikam i sustreŭsia ź fiermierami — pry sabie jon mieŭ razdrukavany artykuł «Našaj Nivy».
Ale i tady pierśpiektyvy Borsukaŭ zastavalisia niapeŭnymi.
My pazvanili im daviedacca, jak iduć spravy ciapier.
«Usio dobra, my atrymali ziamlu na 50 hiektaraŭ, — skazała nam Halina Borsuk. — U inšym miescy atrymali, blizieńka ad našaha cechu: 6 kiłamietraŭ, a raniej było 12. Nam prapanoŭvali niekalki varyjantaŭ, my vybrali, dziakuj im [uładam]. Nijakich prablem ciapier niama, ziamla vielmi dobraja. Sioleta płanujem usie hiektary zasadzić, majem 150 ton nasieńnia. Z rajvykankamam havaryli litaralna siońnia — jany kažuć, što možna napisać zajavu na akazańnie dapamohi ŭ pasiaŭnoj. My skarystajemsia, napeŭna».
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary