Za try dni suchoj haładoŭki, stanam zdaroŭja Mikałaja Aŭtuchoviča ni razu nie pacikavilisia miedyki. Vaŭkavyski pradprymalnik, katoraha ŭ hetyja dni sudziać ŭ Hrodnie, znachodzicca pad aryštam u haradzienskim SIZA. Suchuju haładoŭku Aŭtuchovič pačaŭ u aŭtorak 23 traŭnia i ŭžo na toj momant jon 40 dzion admaŭlaŭsia ad ježy, patrabujučy vyzvaleńnia, – paviedamlaje radyjo Racyja.
Pierad siońniašnim sudovym pasiedžańniem pradprymalnik paśpieŭ raskazać advakatam, što ŭ sieradu da jaho u kamieru zazirnuŭ turemny miedyk, ale nie zadaŭ nivodnaha pytańnia i vyjšaŭ.
Miž tym, raskazaŭ supracoŭnik Aŭtuchoviča, Uładzimir Asipienka, stan zdaroŭja viaźnia vidavočna paharšajecca štodzień: «Jon mocna asłabieŭ. Siońnia na sudzie, pakul dapytvali śviedkaŭ, jon siadzieŭ, pakłaŭšy hałavu na ruki. Sudździa zapytaŭ jaho, ci nia choča jon admovicca ad udziełu ŭ pracesie, ale Mikałaj niečakana ćviorda adkazaŭ: «Nie, ja budu ŭdzielničać u pracesie da kanca».
Nahadajem, što Mikałaja Aŭtuchoviča abvinavačvajuć va ŭchileńni ad padatkaŭ na bujnuju sumu. Jamu pahražaje ad šaści hod turmy. Sam pradprymalnik viny nie pryznaje, jon havoryć, što sapraŭdnaj pryčynaj pieraśledu źjaŭlajecca jaho baraćba z karumpavanym čynavienstvam, i prysud pa spravie - pieradvyrašany. Abviaščajučy suchuju haładoŭku, Aŭtuchovič zajaviŭ, što kali zdarycca trahiedyja, skazaŭ jon, heta budzie zabojstva pa palityčnych matyvach, ździejśnienaje ŭładami.
❏
Hladzi jašče:
Aŭtuchovič zajaviŭ u sudzie, što, mahčyma, nie dažyvie da paniadziełka
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary