U Biełarusi raspracavali abaronieny ad kibieršpijanažu kampjutar
Biełaruskaje AAT «NDIEVM» sumiesna z rasijskim TAA «NPK pazitron» raspracavała novy abaronieny ad kibieršpijanažu kampjutar VM2016, sieryjny vypusk jakoha zapłanavany na druhoje paŭhodździe 2018 hoda. Pra heta paviedamlaje Dziaržkamvajenpram.
Noŭtbuk maje vadkakrystaličny ekran pamieram 17 calaŭ, pracuje na rasijskim čatyrochjadravym univiersalnym vysokapradukcyjnym mikrapracesary «Elbrus-4S». Jon zdolny zabiaśpiečyć abaronu ad niesankcyjanavanaha dostupu da infarmacyi, a taksama praduchilić uciečku infarmacyi za košt pabočnych elektramahnitnych vypramieńvańniaŭ i naviadzieńniaŭ.
Pryłada vykananaja z aluminijevaha spłavu, što zabiaśpiečvaje abaronu ad miechaničnych i klimatyčnych uździejańniaŭ, dazvalaje ŭstaloŭvać jaje na adkrytym pavietry i ŭ pamiaškańni, na kołavym i čyhunačnym transparcie, stacyjanarnych i ruchomych abjektach bierahavoha i marskoha bazavańnia.
VM2016 moža ekspłuatavacca ŭ žorstkich klimatyčnych umovach, bo vytrymlivaje pierapad tempieratur ad minus 40 da plus 50°C.
Kamientary