Milicyja raspaviała padrabiaznaści historyi ź minskim internatam №7 dla dziaciej z asablivaściami raźvićcia, piša sb.by. Tam niadaŭna zatrymali dvaich rabotnikaŭ za seksualny hvałt dziaciej. Vyśvietliłasia, što nasamreč usio jašče horš.
«Sa 108 dziaciej, jakija ŭtrymlivalisia ŭ hetaj ustanovie, nie mienš za tracinu padviarhali seksualnamu albo fizičnamu hvałtu», — paviedamiŭ načalnik Hałoŭnaha ŭpraŭleńnia pa narkakantroli i supraćdziejańni handlu ludźmi MUS Biełarusi Hienadź Kazakievič na pres-kanfierencyi ŭ sieradu ŭ Miensku.
«Vielmi mnohija z vykładčyckaha abo vychavaŭčaha składu albo sami padviarhali dziaciej padobnamu hvałtu, albo viedali, ale nie pieraškadžali inšym.
Bolš za toje, padazravanymi mohuć stać byłyja vypuskniki hetaj ustanovy, jakija, budučy padvierhnutyja hvałtu padčas znachodžańnia tam, zatym sami stanavilisia ahresarami», — raspavioŭ Kazakievič.
Pavodle jaho słoŭ, raspačaty šerah kryminalnych spraŭ u dačynieńni da słužbovych asob hetaj ustanovy adukacyi, jakija źviazany nie tolki z hvałtam u adnosinach da dziaciej, ale i ź inšymi złačynstvami suprać intaresaŭ słužby.
Hoły mužčyna pierabieh z Polščy ŭ Biełaruś, ruch na miažy na paru hadzin pierakryvali9
Kamientary