U Nacyjanalnym aeraporcie Minsk adkryłasia vystava dziciačych malunkaŭ z kanceptami «palotu ŭ budučyniu». Najlepšyja pracy buduć udzielničać u mižnarodnym konkursie «FAI Young Artists Contest — 2018», a pieramožcy zmohuć ździejśnić palot na viertalocie, samalocie abo navat skoknuć z parašutam, raspaviali ŭ Biełaruskaj fiederacyi avijacyjnaha sportu, jakaja vystupiła arhanizataram nacyjanalnaha adboru.
U Biełarusi na konkurs było padadziena bolš za 1400 prac z usich kutkoŭ krainy. U finał vyjšli 45 junych futurystaŭ, siarod jakich 24 sakavika vybieruć pieramožcaŭ nacyjanalnaha adboru. Da hetaha momantu malunki možna ŭbačyć na svaje vočy ŭ zonie vyletaŭ na trecim paviersie aeraporta.
Konkurs pravodzicca Mižnarodnaj avijacyjnaj fiederacyjaj (FAI) užo bolš za 30 hadoŭ. Malunki mohuć padavać mastaki va ŭzroście ad 7 da 18 hadoŭ. Dziakujučy inicyjatyvie Biełaruskaj fiederacyi avijacyjnaha sportu (BFAS) zmahacca ŭ suśvietnym konkursie ŭžo druhi hod mohuć i junyja talenty ź Biełarusi.
Finał nacyjanalnaha adboru i cyrymonija ŭznaharodžańnia pieramožcaŭ projdzie 24 sakavika ŭ novym budynku Minskaha aerakłuba DTSAAF na aeradromie Lipki. Najlepšyja pracy vyznačyć žury na čale ź biełaruskim kasmanaŭtam Aleham Navickim.
Kamientary