Ahulny rejtynh apieracyjnych sistem
Pačynajučy z 2009 hoda dola mabilnych AS imkliva i niaspynna raście, i takimi ž tempami padaje dola samaj papularnaj AS dla nastolnych kampjutaraŭ — Windows.
Pa stanie na luty 2018 hoda suśvietny rynak raźmierkavany nastupnym čynam:
Ahułam mabilnyja apieracyjnyja sistemy zajmajuć užo bolš za 53% rynka — i heta nie dziŭna, kali ŭličyć, što amal kožny čałaviek zaraz maje adnu ci niekalki pryładaŭ, jakija pracujuć na Android ci iOS (smartfony, płanšety). Miž tym kampjutary ci noŭtbuki z desktopnymi apieracyjnymi sistemami, takimi jak Windows, macOS X abo Linux, ciapier nie takija papularnyja, jak toje było jašče kala 10 hod tamu. Pryčynaj hetamu stała źjaŭleńnie sučasnych płanšetnych kampjutaraŭ, jakija kaštujuć niadoraha, pracujuć na mabilnych AS i bolš zručnyja dla spažyvańnia kantentu, u toj čas jak nastolnyja kampjutary i noŭtbuki ciapier vykarystoŭvajucca dla stvareńnia kantentu i prysutničajuć časta tolki na pracoŭnych miescach.
U Biełarusi karcina raźmierkavańnia AS vyhladaje zusim inakš.
Jak bačna ź ličbaŭ nižej, dola mabilnych apieracyjnych sistem u našaj krainie nie pieravyšaje navat 25% — bolš jak udvaja mienš za suśvietny pakazčyk! Vidać, nie daviarajuć jašče biełarusy płanšetam.
Adpaviedna i hrafik rostu doli mabilnych i padzieńnia desktopnych AS vyhladaje nie takim rezkim:
Rejtynh desktopnych (nastolnych) apieracyjnych sistem
Na rynku apieracyjnych sistem dla nastolnych kampjutaraŭ dy noŭtbukaŭ nazirajecca pavolnaje, ale vielmi ŭpeŭnienaje ŭmacavańnie pazicyj kampanii Apple ź jaje macOS X.
Hetakaja ž tendencyja, ale z krychu inšymi ličbami, charakternaja i dla Biełarusi.
Čamu Windows hublaje papularnaść, i što ŭpłyvaje na rost prodažaŭ kampjutaraŭ z macOS X?
Pa-pieršaje, ruchavikom dla macOS stała źjaŭleńnie ŭ kancy 2000-ch iPhone i iPad, ź jakimi jana ciesna intehravanaja. Płanšety iPad zaraz zajmajuć 40% svajho rynku. Papularnaść mabilnych pryładaŭ Apple značna ŭzmacniła i sam «jabłyčny» brend, prymusiŭšy pakupnikoŭ čaściej źviartać uvahu ŭ tym liku i na kampjutary kampanii. Značnuju rolu adyhryvaje i patańnieńnie bazavych praduktaŭ.
Pa-druhoje, u toj čas jak ahułam na rynku piersanalnych kampjutaraŭ u apošnija hady nazirajecca istotnaje padzieńnie, prodažy vyličalnych mašyn Apple zastajucca na raniejšym uzroŭni, čas ad času pieražyvajučy nievialikija vahańni.
Rejtynh mabilnych apieracyjnych sistem
Asnoŭnyja hulcy na rynku mabilnych apieracyjnych sistem u našy dni — Android i iOS ad kampanij Google i Apple adpaviedna. Zaraz karcina raspaŭsiudžanaści roznych AS u śviecie vyhladaje tak:
A ŭ Biełarusi — tak:
Android imkliva ŭmacoŭvaje svaje pazicyi, bo štohod źjaŭlajecca ŭsio bolš i bolš novych vytvorcaŭ tannaj mabilnaj techniki, jakaja pracuje pad kiraŭnictvam hetaj apieracyjnaj sistemy.
Mabilnaja viersija Windows jašče žyvie za košt starych smartfonaŭ, ale jaje dola ŭsio chutčej nabližajecca da nula.
Cikavy fakt: čym zamožniejšaja kraina, tym bolšy adsotak raspaŭsiudžanaści ŭ joj iOS (što źviazana, imavierna, z vysokim koštam techniki Apple). Tak, u ZŠA i Złučanym Karaleŭstvie pryłady na iOS zajmajuć 46% rynku, u Narviehii — 44%, u Bielhii — 38%, u toj čas jak u Afhanistanie — 6%, Indanezii — 4%, Indyi — 3%, Vieniesuele — 2%.
Čytajcie taksama:
Jakija braŭzery zaraz samyja papularnyja ŭ śviecie i ŭ Biełarusi: pieravahi, niedachopy i krychu historyi
Ad 1642 hoda da našych dzion: historyja raźvićcia kampjutara, i što nas čakaje dalej — šmat FOTA
