Znachodziačysia ŭ Tbilisi z dvuchdzionnym vizitam, Alaksandr Łukašenka padpisaŭ ramačny dahavor ab supracoŭnictvie z Hruzijaj, znoŭ paćvierdziŭ pavahu terytaryjalnaj cełasnaści hetaj krainy i, pa sutnaści, asudziŭ Rasiju za Abchaziju. Pavodle jaho słoŭ, hety rehijon «pieratvaryli niezrazumieła u što». Pry hetym, znachodziačysia ŭ Tbilisi, Łukašenka zaklikaŭ naładzić adnosiny pamiž Hruzijaj i Rasijaj nasupierak usim roznahałośsiam i niesupadzieńniu pazicyj, piša «Kommiersant».
Alaksandr Łukašenka na sustrečy z prezidentam Hruzii Hiorhijem Marhviełašvili vystupiŭ z hučnaj zajavaj ab Abchazii. «Ja niejak dajazdžaŭ da Suchumi, i dalej u mianie nie atrymlivałasia ŭ savieckija časy», — pačaŭ uzhadvać Alaksandr Łukašenka. A paśla hetaha paskardziŭsia, što ciapier u Abchaziju «nikomu niemahčyma pryjechać» i «vydatny lubimy kraj pieratvaryli niezrazumieła u što».
Hetaj zajavaj Alaksandr Łukašenka raźviŭ dumku, vykazanuju im u 2015 hodzie, padčas pieršaha aficyjnaha vizitu ŭ Hruziju. U toj raz lidar Biełarusi zaŭvažyŭ padčas sustrečy z hruzinskim kaleham, što raniej u Hruzii ŭžo byvaŭ, «ale tolki ŭ Suchumi».
Paśla padpisańnia ramačnaha dahavora Hiorhij Marhviełašvili asabliva adznačyŭ, što dakumient «zasnavany na pavazie pryncypu terytaryjalnaj cełasnaści».
KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy8
Kamientary