Tutejšyja aktyvisty admovilisia ad idei pravodzić mitynh u parku na ŭskrainie, choć ułady jaho i dazvolili. Zamiest hetaha vyrašyli ŭskłaści kvietki ŭ znakavych miaścinach horadu, piša Radyjo Svaboda.
A 15 hadzinie kala dvuch dziasiatkaŭ viciablan sabralisia kala pomnika kniaziu Alhierdu, pavinšavali adno adnaho, sfatahrafavalisia na pamiać i rušyli pa vulicy Suvorava da pomnika Ŭładzimieru Karatkieviču.
![](http://nashaniva.com/img/w732d4webp1/photos/z_2018_03/db815c86-23e7-4472-b5a9-e47afed5c2bd_w650_r0_s-bb0qo.jpg.webp)
Pa darozie spynilisia kala memaryjalnaj doški ŭ honar Vasila Bykava. U budynku, na jakim jana visić, kaliści była mastackaja vučelnia, dzie vučyŭsia piśmieńnik. Uskłaŭšy kvietki, nakiravalisia da pomnika Karatkieviču.
Tut prahučali karotkija vinšavalnyja pramovy, niekalki čałaviek razharnuli bieł-čyrvona-biełyja ściahi.
Usio heta adbyvałasia «pad kantrolem» pradstaŭnikoŭ MUS u cyvilnym, jakija fiksavali padziei na fotaaparat i videakamery, ale zaŭvah nie rabili.
Usich, kaho zatrymali pierad akcyjaj, pa jaje zakančeńni adpuścili
Kamientary