RuBaltic.ru: Biełarusi pahražaje novaja chvala pałanizacyi
Rasijski analityčny partał RuBaltic, jaki śpiecyjalizujecca ŭ pieršuju čarhu na bałtyjskim rehijonie, napisaŭ materyjał na biełaruskuju tematyku — «Biełarusi pahražaje novaja chvala pałanizacyi».
Aŭtar Aleh Mirasłavaŭ źviartaje ŭvahu čytačoŭ na papalityku «miakkaj siły», jakaja aktyŭna pravodzicca polskaj dziaržavaj u apošnija hady ŭ bok Biełarusi.
RuBaltic piša, što takaja palityka nie źjaŭlajecca novaj, i jana nibyta całkam adpaviadaje tamu, što adbyvałasia raniej u historyi polska-biełaruskich adnosin u mižvajenny pieryjad.
U pieršuju čarhu, piša rasijski resurs, palaki nibyta chočuć «pałanizavać» biełarusaŭ-katalikoŭ.
«Z asimilacyjaj pravasłaŭnych biełarusaŭ spravy išli składaniej. Dla pačatku mierkavałasia vyrvać ich z ułońnia ahulnaruskaj kultury i tolki paśla hetaha apalačvać»,
— piša rasijski resurs.
Ale na dumku aŭtara, mienavita SSSR vyratavaŭ Zachodniuju Biełaruś ad pałanizacyi:
— Vyzvalenčy pachod Čyrvonaj armii pakłaŭ kaniec padziełu biełaruskaha naroda pa roznyja baki dziaržaŭnaj miažy. Kali b hetaha nie adbyłosia, Zachodniaja Biełaruś była b całkam asimilavana i apalačana, što pryviało b da niepapraŭnaj straty ułasnaj kulturnaj identyčnaści.
Aleh Mirasłavaŭ śćviardžaje, što papularyzacyja polskaj movy ŭ Biełarusi i masavaja razdača «karty palaka» ŭ Biełarusi viaduć da pałanizacyi Biełarusi:
— Siońnia možna kanstatavać paŭzučuju pałanizacyju Biełarusi i rost humanitarnaha ŭpłyvu Polščy na ŭnutrypalityčnyja pracesy susiedniaj dziaržavy. Składana skazać, kudy zaviaduć hetyja pracesy. Vidavočna tolki polskaje umiašalnictva va ŭnutranyja spravy suvierennaj dziaržavy.
Biełaruskija siłaviki pryjechali zatrymlivać futbolnaha fanata na mašynie z rasijskimi numarami FOTAFAKT7
U Minsku prajšoŭ vajskovy parad dzietsadaŭcaŭ. Im kamandavaŭ chłopčyk u formie milicyi na elektramabili FOTA6
«Moj kachany nie čytaje naviny, kali jany napisanyja pa-biełarusku». Darja Caryk stała na abaronu ruskaj movy i pryplała navat Paźniaka103
Kamientary