Śledčyja vyśviatlajuć pryčyny śmierci 19-hadovaha pieršakurśnika ŭ stalicy. Jaho cieła znajšli ŭ pakoi internata ŭ minułyja vychodnyja. Padrabiaznaści paviedamili TUT.BY va Upraŭleńni Śledčaha kamiteta pa Minsku.
Maładoha čałavieka znajšli ŭ začynienym znutry pakoi internata pa praśpiekcie Niezaležnaści ŭ minułuju subotu. Heta student pieršaha kursa, uradženiec rasijskaha Kurska.
«Pra adsutnaść maładoha čałavieka paviedamiła supracoŭniku ŭstanovy dziaŭčyna, jakaja nie zmahła da jaho datelefanavacca. Susied zahinułaha na vychodnyja źjechaŭ dadomu», — raspaviała aficyjny pradstaŭnik USK pa Minsku Maryna Drańkova.
Na ciele junaka nie było bačnych prykmiet kryminalnaha charaktaru. Pa słovach znajomych, napiaredadni ŭviečary jany razam vypivali.
Pa dadzienych TUT.BY, chłopiec — student BNTU.
Kamientary