AFP
Palicejskija sabaki ŭ Madrydzie pavinny atrymlivać u dastatkovaj kolkaści kandycyjanavańnie i muzyčnuju terapiju dla palapšeńnia samaadčuvańnia, paviedamlaje Bi-bi-si.
Miascovaja palicyja ŭžo ŭstanaviła śpiecyjalizavanuju sistemu, jakaja zabiaśpiečvaje muzyčnuju terapiju ich sabakam. Pravaachoŭniki spadziajucca, što hetaja inavacyja źnizić stres, jaki adčuvajuć słužbovyja sabaki.
Technika praduhledžvaje, što niekalki raz u dzień sabaki pavinny słuchać kłasičnuju muzyku, jakuju nazyvajuć «efiekt Mocarta».
U palicyi Madryda ŭ roznych padraździaleńniach słužyć 22 sabaki. Jany śpiecyjalizujucca na vyjaŭleńni narkotykaŭ i vybuchoŭki, taksama ŭdzielničajuć u vyratavalnych apieracyjach.
Miascovyja ŭłady śćviardžajuć, što sabaki pieražyvajuć na hetaj pracy vialiki stres, a tamu takaja terapija im nieabchodnaja.
Dla hetaha žyviołam vydzielać śpiecyjalnyja pamiaškańni.
Siaržant palicyi Rafael de la Handara, adkazny za hetyja abjekty, zajaviŭ, što takija pracedury buduć sadziejničać bolš efiektyŭnaj dziejnaści sabak.
Taksama ŭ pamiaškańniach praduhledziać kandycyjanavańnia pavietra, kab uletku jany nie pierahravalisia, a zimoj nie pieraachałodžvacca.
