Aficyjny pradstaŭnik MNS Biełarusi Vital Navicki ŭ svaim fejsbuku adreahavaŭ na našu publikacyju i raskazaŭ, čamu nielha paraŭnoŭvać dadzienyja pa pažarach u roznych krainach śvietu.
«U suviazi z «analitykaj» na temu, jak usio drenna/dobra z pažarami ŭ roznych krainach śvietu.
U 2017 hodzie ŭ Biełarusi zahinuli ŭ NS 495 čałaviek. Kolkaść samich NS — 5314. Hetyja ličby, jak i za papiarednija hady, my ad vas nikoli nie chavali. Kožny dzień na sajcie raźmiaščajecca zvodka. Naprykład, u 2010 hodzie zahinuli 1124 čałavieki, a NS było 8894.
Zaraz pra paraŭnańni. Na žal, paraŭnoŭvać dadzienyja pa roznych krainach i rabić niejkija vysnovy nielha. Rastłumaču na pary prykładaŭ.
Hibiel. U našaj krainie z savieckich časoŭ zastałasia schiema, pry jakoj čałaviek, jaki pamiraje na praciahu tydnia ŭ balnicy ad apiokaŭ, ličycca zahinułym na pažary. Vielmi mnohija ad takoha padychodu admovilisia: pieradali čałavieka z 100% apiokam cieła chutkaj — užo zahinuŭ nie na pažary.
Pažary. Niekatoryja krainy ličać lubyja vyjezdy bajavymi (navat, naprykład, dziažurstva na Dzień horada) i ŭklučajuć ich u statystyku. U nas u ličbu 5314 traplajuć situacyi sa škodaj, traŭmiravańniem ludziej i h.d.
U jakaści važnaj vysnovy. Kazać, što heta paraŭnańnie pryviedziena ŭ kantekście «Zimovaj višni» zusim niekarektna. Praktyčna ŭsia hibiel ludziej u našaj krainie — heta bytavyja pažary ŭ žylli. A jak ich nie dapuścić — my raskazvajem vam kožny dzień. Bieražycie siabie!
P.S. Asnoŭnaja pryčyna pažaraŭ z hibiellu ŭ Biełarusi - nieaściarožnaje abychodžańnie z ahniom pry kureńni ŭ niećviarozym stanie»,
— piša Vital Navicki.
