Niamieckija inžyniery stvaryli realistyčnuju latučuju robalisu. Pahladzicie, jak pryhoža jana lotaje! VIDEA
Raspracoŭščyki ź niamieckaj kampanii Festo davoli daŭno zajmajucca stvareńniem rabatyzavanych źviaroŭ. Inžyniery Festo raspracavali robata-matylka, murašku, mieduzu, kienhuru, čajku, pavuka i navat pinhvina. Na dniach kampanija pakazała robalisu.
![](http://nnexpictures.fra1.digitaloceanspaces.com/img/w732d4webp1/photos/z_2018_04/00095-bionicflyingfox-film-1532x862px-1300x731-44fz3.jpg.webp)
Svaju bijaničnuju latučuju lisicu raspracoŭščyki nazyvajuć «ultralohkim lotajučym abjektam ź intelektualnaj kiniematykaj». Daŭžynia «abjekta» składaje 87 santymietraŭ, razmach kryłaŭ — 228 santymietraŭ, a vaha — 580 hram.
Kab jakasna zymitavać skuranyja kryły žyviołaŭ, raspracoŭščyki stvaryli tonkuju, zvyšlohkuju i vielmi tryvałuju miembranu, jakaja składajecca z dvuch pavietraniepranikalnych plonak i trykatažnaj tkaniny. Usie płasty złučanyja adzin z adnym u 45 tysiačach kropkach, utvarajučy svojeasablivuju «sotavuju» strukturu, jakaja dazvalaje kryłu hnucca, ale pry hetym nie rvacca pry praciahłym vykarystańni. Zrešty, robat zmoža latać, navat kali adno abo abodva kryła atrymajuć niaznačnyja paškodžańni.
Kamientary