Na svajoj aficyjnaj staroncy ŭ fejsbuku deputatka padzialiłasia paradkam viasnovaj siesii Pałaty pradstaŭnikoŭ i žorstka raskrytykavała jaho.
Na dakumiencie z asnoŭnymi punktami da abmierkavańnia bačna, što bolšaść ź ich — učorašni dzień. «Čamu tak adbyvajecca?», — zadajecca pytańniem deputatka, i sama na jaho adkazvaje.
«Mnohija deputaty publična sami adkazvajuć na hetaje pytańnie, źnievažajučy siabie: rychtavać zakonaprajekt doŭha, praściej pravieści jaho praz ukaz ci dekret prezidenta. Što ž ty za deputat taki, pradstaŭnik zakanadaŭčaj haliny ŭłady, abrany narodam, kali addaješ svaje paŭnamoctvy vykanaŭčaj uładzie? Kali pracedura raspracoŭki, uzhadnieńnia i pryniaćcia zakonaprajektaŭ składanaja i sastarełaja (a heta sapraŭdy tak, da dvuch hadoŭ moža syści na realizacyju), to jaje nieabchodna mianiać u pieršuju čarhu, a nie biehać na pakłon da pryznačanych čynoŭnikaŭ.
Hanna ličyć, što deputaty Pałaty pradstaŭnikoŭ pavinny mieć svoj Centr zakanadaŭstva, jaki dapamahaŭ by ŭ raspracoŭcy zakonaprajektaŭ. Takaja struktura isnuje, ale jana padnačalena Administracyi prezidenta.
Akramia taho, u Biełarusi adsutničaje škoła padrychtoŭki budučych deputataŭ, tamu «mnohija ź ich nie viedajuć, u jaki bok padacca, i prasiedžvajuć štany ŭ kabinietach za narodnyja hrošy».
Vychad ź situacyi, što skłałasia i panuje šmat hod, deputatka bačyć u nastupnym:
«Pieršaje, što nieabchodna zrabić — heta spraścić praceduru raspracoŭki i ŭzhadnieńnia zakonaprajektaŭ, terminova prybrać štohadovaje płanavańnie zakonaŭ ukazam prezidenta (heta naohuł niejki niedarečny rudymient savieckaj epochi). Druhoje: pierapadparadkavać Nacyjanalny centr zakonaprajektnaj dziejnaści Pałacie pradstaŭnikoŭ. Administracyja prezidenta pavinna vykonvać svaje funkcyi, a nie ŭmiešvacca ŭ zakanatvorčaść. Treciaje: zaćvierdzić biudžet Pałaty pradstaŭnikoŭ (siońnia jaho niama naohuł, deputatam płacić… Administracyja prezidenta) i štomiesiac publična davać spravazdaču ab jaho vykanańni, kab vybarščyki viedali, kolki i na što traciać narodnyja hrošy ich abrańniki i supravadžajučyja pracu struktury».
Nahadajem, niadaŭna Kanapackaja prapanavała ŭsim achvočym pierapisać zakony razam praz GoogleDocs, stvaryć niešta kštałtu elektronnaha narodnaha Parłamienta. Kab kožny achvotny biełarus moh unieści svaje prapanovy pa novych zakonach ci vykazać zaŭvahi pa tym, što dziejničajuć.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary