Zaraz na arbicie znachodziacca sotni tysiač roznych kavałkaŭ śmiećcia, jakija zastalisia ad čałaviečaj dziejnaści ŭ kosmasie za apošnija niekalki dziesiacihodździaŭ. Jany ŭjaŭlajuć surjoznuju niebiaśpieku dla spadarožnikaŭ, a taksama abšyŭki MKS i inšych štučnych abjektaŭ.
Adpraŭleny na MKS «kaśmičny prybiralnik» abstalavany adrazu niekalkimi roznymi sistemami, efiektyŭnaść jakich treba budzie pravieryć. Unutry aparata znachodziacca niekalki maleńkich mini-spadarožnikaŭ, jakija vystupiać u jakaści mišeniaŭ. Asnoŭny ž spadarožnik budzie ich łavić z dapamohaj sietki i harpuna.
Abodva hetyja prystasavańni byli vybranyja ŭ jakaści najbolš efiektyŭnych mietadaŭ baraćby z kaśmičnym śmiećciem, ale dahetul nikoli nie vypraboŭvalisia. Realnaja pravierka ich efiektyŭnaści dazvolić sabrać infarmacyju, jakaja spatrebicca dla raspracoŭki budučych misij pa ačystcy arbity płaniety.
Paśla zaviaršeńnia ekśpierymientu aparat RemoveDEBRIS vypuścić «tarmazny vietraź», jaki zaciahnie jaho nazad u atmaśfieru płaniety, dzie jon i zharyć. Kali misija apyniecca paśpiachovaj, jak na toje raźličvajuć raspracoŭščyki, to aparat zmoža pakłaści pačatak novym misijam, jakija dapamohuć zrabić našu arbitu našmat bolš biaśpiečnaj.
