Zbornaja Biełarusi nie zmahła zrabić sensacyju. U čarhovym matčy adboračnaha turniru da čempijanatu śvietu našy prajhrali anhličanam 1:3.
Zbornaja Biełarusi nie zmahła zrabić sensacyju. U čarhovym matčy adboračnaha turniru da čempijanatu śvietu našy prajhrali anhličanam.
Užo ŭ pačatku hulni hoł zabiŭ Styven Džerard. Varta było bačyć, što rabiłasia na haściavych sektarach. Anhielcy ŭmiejuć radavacca pośpiecham svajoj kamandy. Zrešty, jašče ŭ pieršym tajmie Pavał Sitko ź «Viciebsku» lik zrabiŭ roŭnym — 1:1.
U druhim tajmie svajo važkaje słova ŭziaŭ Ŭejn Runi. Jon dvojčy zabiŭ Žaŭnovu — 1:3. Paśla treciaha hołu mnohija biełaruskija zaŭziatary paciahnulisia da vychadu. Anhielcy byli bolš blizkija, kab zabić čaćviorty hoł, čym biełarusy, kab adyhrać choć adzin.
* * *
Siońnia a 21:30 na mienskim stadyjonie «Dynama» pačniecca adboračny matč da čempijanatu śvietu miž zbornymi Biełarusi i Anhlii. Jašče nikoli našy chłopcy nie pierasiakalisia z rodapačynalnikami futbołu.
Čakajecca, što na trybunach budzie anšlah. Usie bilety byli raskuplenyja. U stalicu Biełarusi pryjechała taksama kala dźviuch tysiač fanataŭ z Tumannaha Albijonu. Kalarytnych brytahałovych anhielcaŭ hetymi dniami možna było bačyć na roznych vułkach Miensku. Darečy, sajuz zaŭziataraŭ Vialikabrytanii raiŭ pierad hulnioj svaim hramadzianam nabyvać biełaruskuju harełku.
Biełarusam ni ŭ jakim razie nielha prajhravać, kali jany chočuć praciahnuć baraćbu za pucioŭku ŭ Paŭdniovuju Afryku. Zrabić heta budzie niejmavierna ciažka. Najpierš tamu, što ŭ našym składzie nia budzie lidera kamandy Alaksandra Hleba, jaki traŭmavany. Jość kadravyja prablemy i ŭ anhielcaŭ. Ale ad pieraliku proźvišč hulcoŭ, što pryjechali ŭ Biełarusi zamiraje dychańnie — Bekchem, Runi, Łempard, Džerard, Ferdynand, Kraŭč.
Anhielcy zaraz u dobraj hulniavoj formie. U subotu doma jany razhramili doma kazachaŭ, a da hetaha byŭ vyjhryš ź likam 4:0 u Charvatyi. Jak by toje nie było, siońnia nas čakaje vydatny matč.
Biełaruskaja futbolnaja vosień praciahvajecca!
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary