U kožnym rajonie zbudujuć pa superfermie

Urad Biełarusi zaćvierdziŭ pieralik sielskahaspadarčych arhanizacyj, u jakich da kanca 2009 hoda budzie pabudavana 118 małočnatavarnych fierm, asnaščanych sučasnym dailnym abstalavańniem. Rašeńnie ab hetym źmiaščajecca ŭ pastanovie Savieta Ministraŭ numar 1502. Pastanova pryniata ŭ metach realizacyi ŭkaza numar 332 ab vydzialeńni AAT «Biełahraprambank» kredytaŭ na budaŭnictva 118 małočnatavarnych fierm na ahulnuju sumu Br1 trłn., paviedamiŭ karespandentu BIEŁTA namieśnik načalnika hałoŭnaha ŭpraŭleńnia pa spravach inviestycyj i arhanizacyi budaŭnictva Ministerstva sielskaj haspadarki i charčavańnia Andrej Prakapčuk.

U Bresckaj vobłaści płanujecca pabudavać 16 małočnatavarnych fierm, u Viciebskaj, Homielskaj i Mahiloŭskaj abłaściach — pa 21, u Hrodzienskaj — 17 i ŭ Minskaj — 22. Padrychtavana 8 typavych prajektaŭ, jakija mohuć vybrać sielskija haspadarki. Budaŭnictva ŭsich fierm pavinna być zavieršana da 1 žniŭnia 2009 hoda.

Abłvykankamam daručana adkarektavać i zaćvierdzić hrafiki budaŭnictva małočnatavarnych fierm z ulikam dapuščanaha adstavańnia z paznačeńniem zamacavanych za imi prajektnaj i budaŭničaj arhanizacyj, a taksama zaćvierdzić pieraliki budaŭničych rabot, što vykonvajucca haspadarčym sposabam, u abjomie nie mienš jak 30 pracentaŭ ad koštu budaŭniča‑mantažnych rabot. Abłvykankamy, Ministerstva architektury i budaŭnictva, Ministerstva lasnoj haspadarki abaviazany zabiaśpiečyć pastaŭku žalezabietonnych, mietaličnych kanstrukcyj i inšych asnoŭnych materyjałaŭ dla budaŭnictva małočnatavarnych fierm u 2008‑2009 hadach. Abłvykankamy, Ministerstva sielkaj haspadarki i charčavańnia pavinny praduhledzieć u kastryčniku 2009 hoda kamplektavańnie małočnatavarnych fierm plemiannoj žyviołaj pad ich prajektnuju mahutnaść, jakaja składzie 87112 hałoŭ žyvioły.

Ministerstvam pryrodnych resursaŭ i achovy navakolnaha asiarodździa, transpartu i kamunikacyj, sielskaj haspadarki i charčavańnia, finansaŭ, abłvykankamam daručana praduhledzieć vydzialeńnie ŭ 2009 hodzie ŭ pieršačarhovym paradku srodkaŭ (z praduhledžanych na realizacyju Dziaržaŭnaj prahramy adradžeńnia i raźvićcia vioski) na vykanańnie pryrodaachoŭnych mierapryjemstvaŭ, stvareńnie inžynierna‑transpartnaj infrastruktury na małočnatavarnych fiermach, jakija budujucca. U pryvatnaści, z respublikanskaha fondu achovy pryrody budzie nakiravana Br60,6 młrd., z respublikanskaha darožnaha fondu na vykanańnie darožnych rabot i padjezdaŭ da małočnatavarnych fierm — Br176,8 młrd., z respublikanskaha biudžetu na inžynierna‑transpartnuju infrastrukturu — Br38,6 młrd. Usiaho na hetyja mety budzie vydzielena Br276 młrd.

• 0
• 0
• 0
• 0
• 0
• 0
• 0
• 0