Kata, jaki žyŭ u domie Siarhieja Skrypala ŭ Sołśbiery, spalili ahniamiotam. Pra heta hetym paviedamlajecca ŭ efiry prahramy na telekanale «Rasija 24».
«Kata piersa pa mianušcy Neš van Drejk nie prosta ŭsypili zamiest reabilitacyi, ale jašče i spalili, pryčym nie ŭ admysłovym krematoryi. A, uvaha, ahniamiotam», — raspavioŭ viadučy prahramy. Jon nazvaŭ heta «dzikaściu ŭ duchu Siaredniaviečča, kali žyvioł čornaj afarboŭki časam nazyvali słuhami abo pamahatymi viedźmaŭ i adpraŭlali na vohniščy».
U domie Skrypala ŭtrymlivalisia marskija śvinki i kot. Pra hibiel žyvioł supracoŭniki brytanskaj palicyi paviedamili 6 krasavika. Hryzuny pamierli ad abiazvodžvańnia, pakolki niekalki dzion dom byŭ apiačatany. Kata vyjavili ŭ stanie stresu i adpravili ŭ łabaratoryju chimičnaj zbroi Parton-Daun. Vieterynar vyrašyŭ jaho ŭsypić, kab pazbavić žyviołu ad pakut.
Kiraŭnik brytanskaha tavarystva abarony žyvioł PETA Eliza Alen abvinavaciła brytanskija ŭłady ŭ tym, što zdaryłasia i zaklikała pravieści rasśledavańnie.
Kamientary