Čylijskija navukoŭcy vystupili suprać daśledavańnia pryšelca z Atakamy
Niadaŭna byŭ daśledavany hienom «humanoida», znojdzienaha ŭ pustyni Atakama. Vyjaviłasia, što pamierły nasamreč źjaŭlaŭsia dziciem ź vielmi surjoznymi parušeńniami ŭ pracy hienaŭ, što kirujuć rostam škileta. Čylijskija navukoŭcy asudzili pracu jak nieetyčnuju, a miascovyja ŭłady pačali rasśledavańnie, raspaviadaje The New York Times.
Čytajcie: Navukoŭcy rasšyfravali DNK humanoida, jakoha znajšli ŭ pustyni Atakama
U 2012 hodzie aŭtary filma pra pryšelcaŭ atrymali dostup da škileta «humanoida», i prafiesar bijałohii Hary Nołan prapanavaŭ vyvučyć ŭzory jaho DNK. U sakaviku 2018 hoda Nołan apublikavaŭ vyniki daśledavańnia mumii, i vyjaviłasia, što heta ŭsiaho tolki čałaviek (dziaŭčynka) ź vielmi redkimi mutacyjami.
Čylijskija navukoŭcy śćviardžajuć, što mahiła Aty była razrabavanaja, a škilet — skradzieny.
«Kali ŭzory atrymanyja nieetyčnym sposabam, lubyja vyniki ich daśledavańnia taksama nie źjaŭlajucca etyčnymi, — napisała Chryścina Daradar, bijołah z Univiersiteta Antafahasta».
«Ci možacie vy ŭjavić takoje ž daśledavańnie z vykarystańniem trupa vykidka dziciaci ŭ Jeŭropie ci Amierycy?» — havorycca ŭ zajavie čylijskaha hramadstva bijałahičnaj antrapałohii.
Aŭtary daśledavańnia śćviardžajuć, što ŭ ich nie było padstavaŭ padazravać, što mumija trapiła z Čyli ŭ Ispaniju niezakonna.
Čylijskaja nacyjanalnaja rada pa pomnikach inicyjavała rasśledavańnie taho, nakolki zakonnymi byli ekshumacyja pareštkaŭ dziaŭčynki i ich vyvaz z krainy.
Kamientary