Pavieł Biełavus adreahavaŭ na admovu Łukašenki zrabić 25 sakavika dziaržaŭnym śviatam
U Biełarusi pakul nie razumiejuć, što takoje Biełaruskaja Narodnaja Respublika i jakuju rolu jana adyhrała. Hetak vykazaŭsia Alaksandar Łukašenka padčas sustrečy z žurnalistami dziaržaŭnych ŚMI.
Łukašenka skazaŭ, što jak historyk pavodle adukacyi źviartaŭsia da hetaj temy, vyvučaŭ roznyja dumki. I pryjšoŭ da vysnovy: biełarusy jašče nie ŭśviedamlajuć miesca i značeńnie BNR. A heta značyć, što rabić 25 sakavika dziaržaŭnym śviatam, jak prapanujuć niekatoryja hramadzkija aktyvisty, zaŭčasna.
Ci zasmuciła jaho, što Alaksandar Łukašenka nie padtrymaŭ jaho ideju? Pavał Biełavus adkazaŭ Svabodzie:
«Mnie ciažka kazać, nakolki Łukašenka sam razumieje tuju padzieju, ale kali čałaviek 25 hadoŭ adchilaŭ usio, što źviazana z histaryčnymi symbalami, nacyjanalnaj historyjaj, to rezka pryniać za adzin dzień składana, — kaža Pavał Biełavus. —
Adziny pazytyŭ u tym, što jamu prynamsi stała cikava: čamu, niahledziačy na toje, što heta dušycca, zabaraniajecca, nie dazvalajecca, jano žyvie i maje vialikuju padtrymku? Kali dziasiatki tysiač čałaviek śviatkujuć, padtrymlivajuć svaje symbali, a viadučyja medyi pišuć pra heta, značyć, nia tak usio prosta. Vidać, jon sam ździŭleny tym, što adbyvajecca».
Biełavus uściešany, što jak minimum abrevijatura BNR pierastała być tabu — jašče niekalki hadoŭ tamu čynoŭniki bajalisia vymavić jaje ŭsłych. A ciapier prynamsi abmiarkoŭvajuć.
«Jość unutranaje razumieńnie, ale strymlivaje psychalahičny barjer: pryniać — značyć pryznać parazu, — kaža Pavał Biełavus. — Tamu i praciahvaje ŭsio isnavać u dvuch palach. Ale «niapravilnaja» ź dziaržaŭnaha punktu hledžańnia historyja maje kalasalnuju padtrymku. Nivodzin prajekt dziaržaŭnaj idealohii nie źbiare ŭ miežach hramadzkaha kraŭdfandynhu stolki, jak 100-hodździe śviatkavańnia BNR — i finansava, i maralna, i arhanizacyjna. Navat kali ŭłady zapuściać svaju kampaniju da jubileju BSSR, jana ŭsio roŭna nia budzie narodnaj pa sutnaści. I heta jašče raz pakazvaje, što maje realnuju asnovu, a što stolki hadoŭ pryciahvajecca za vušy, kab vydać heta za razumieńnie sučasnaj Biełarusi».
-
«Siadžu ŭ trusach, zamiarzaju». U sacsietkach vyśmiejali čarhovuju strašyłku ANT pra «zamiarzajučuju Jeŭropu»
-
«Sumuju pa dumcy, što ja nie doma, i pa babulach. Ale nie pa krainie». Manałoh 17‑hadovaj dziaŭčyny
-
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Kamientary