Biełaruski rubiel treci dzień zapar praciahvaje imklivaje padzieńnie. Jano stała vynikam abvała rynku ŭ Rasii, jakoje adbyłosia ŭ suviazi z novymi amierykanskimi sankcyjami.
Ad paniadziełka dalar padaražaŭ bolš čym na 5%, jeŭra — bolš čym na 6,6%. A rasijski rubiel tym časam apuściŭsia na 5%.
Nacbank nie ŭmiešvajecca ŭ situacyju, kurs farmirujecca na asnovie popytu i prapanovy.
* * *
Na tarhach u Minsku dalar i jeŭra praciahnuli rost. Jeŭra vyras na 7 kapiejek (0,0701, +2,80%) i dasiahnuŭ 2,5576 biełaruskaha rubla.
Pryčym heta absalutny histaryčny maksimum dla jeŭra. Dva hady tamu ŭ lutym 2016 hoda kantynientalnaja valuta kaštavała 24 956 biełaruskich rubloŭ (2,4956 denaminavanych).
Dalar vyras na 4 kapiejki (+0,0440, +2,17%) da 2,0698 biełaruskaha. Absalutny maksimum byŭ na tarhach 10 lutaha 2016 hoda (22 069 biełaruskaha, h.zn. 2,2069 denaminavanych).
Rasijski rubiel apuściŭsia siońnia na 0,0190 da 3,2317 (-0,59%) biełaruskaha za 100 adzinak.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary