Idziem u zakład, što vy daloka nie ŭsio rabili pravilna? Raźbirajemsia z trychołaham, jak treba myć hałavu

Razam z prafiesijnym trychołaham Kaciarynaj Burło raskazvajem, jak rabić heta tak, kab vašy vałasy byli vam udziačnyja ad karanioŭ da samych končykaŭ.

Pavialičyć

Padrychtoŭka

Pierad tym, jak mycca, abaviazkova rasčašycie vałasy.

Jak časta možna myć hałavu?

Mnohija bajacca častym myćciom naškodzić vałasam i niepasredna skury hałavy. Jość navat takija ludzi, jakich ja nazyvaju «nazapašvalniki» (jany bajacca rasčesvacca i ŭvohule dakranacca da vałos, bo im zdajecca, kali ich nie čapać, to i vypadać jany nikoli nie buduć). Heta niapravilny padychod. Hałavu treba myć pa miery jaje zabrudžvańnia, navat kali heta kožny dzień.

Pra pozu

Mnohija trychołahi nie rajać myć vałasy «uniz hałavoj» i prapanoŭvajuć rabić heta, stojačy ŭ dušy. Tak praściej dabracca navat da makuški, a, značyć, ačyščeńnie budzie bolš jakasnym.

Pra šampuń

Šampuń padbirajecca zhodna z typam vašaj skury, a nie vałasoŭ. Praktyčna va ŭsich nas vałasy buduć suchimi na končykach. Skura ž hałavy, čaściej za ŭsio, schilnaja da tłustaści (heta pra vypadki, kali hałavu prychodzicca myć amal kožny dzień, kali vy robicie heta 2—3 razy na tydzień — u vas kambiniravany typ skury, a kali jašče radziej — suchi).

Šampuń nanosim dva razy: u pieršy raz jon zabiaśpiečvaje paviarchoŭnaje ačyščeńnie. Pry hetym masažnymi ruchami namylvajcie tolki samu hałavu, nie treba razmazvać šampuń pa ŭsioj daŭžyni: vałasy cudoŭna admyjucca pienaj, što ściakaje źvierchu.

Lepš mieć doma dva vidy šampuniaŭ i čarhavać: naprykład, dla častaha vykarystańnia, niejtralny, i dla tłustaj skury hałavy. Hetaja schiema nie daść vałasam «pryzvyčaicca» da srodku. Skura hałavy budzie zdarovaja, a za košt vykarystańnia miakkaha šampuniu prablema suchaści nie pavialičycca.

I pamiatajcie, asnoŭnaja zadača luboha šampuniu — jakasna ačyścić skuru hałavy ad zabrudžvańniaja i vialikaj kolkaści skurnaha sała. Jon niazdolny spynić vypadzieńnie, paskoryć rost i hetak dalej.

Pavialičyć

Pra tempieraturu vady

Tiempieratura vady dla myćcia vałasoŭ pavinna być nabližana da tempieratury našaha cieła. Haračaja vada, kaniečnie, asabliva nie adbivajecca na jakaści vałasoŭ, ale dakładna ŭzmacniaje vypracoŭku skurnaha sała.

Pra sulfaty

Nie tak strašnyja sulfaty i parabieny, jak ich malujuć. Sprava ŭ tym, što tak zvanyja naturalnyja šampuni biez sulfataŭ majuć słabuju zdolnaść pramyvańnia. Mienavita sulfaty i parabieny ŭ vašym kaśmietyčnym srodku pazbaŭlajuć skuru ad tłušču. Ale jany byvajuć roznyja. U tannych srodkach z mas-markietu zvyčajna niajakasnyja pradukty, tak što nie škadujcie hrošy na dobry šampuń.

Kandycyjaniery i maski

Kab nie skardzicca na suchaść, łomkaść i prablemy z rasčesvańniem (pry ŭmovie, što byli likvidavanyja inšyja prablemy, jakija pryviali da hetaha), paśla šampuniu vykarystoŭvajcie balzam, kandycyjanier ci masku, kab adnavić zaścierahalny lipidny barjer. Usie hetyja srodki, jak i masła, nanosiacca tolki na stryžań i končyki.

Kupicie sabie skrab

Raz na tydzień niadrenna vykonvać skrabiravańnie vałasianoj častki hałavy (nie sollu!). Dla hetaha daŭno isnujuć śpiecyjalizavanyja preparaty-skraby (vytvorčaści DSD de Luxe 1.3, Kapous, Natura Siberica i hetak dalej). Jany zabiaśpiečvajuć dadatkovaje ačyščeńnie skury hałavy i karysny masaž vałasianym cybulinam.

• 0
• 0
• 0
• 0
• 0
• 0
• 0
• 0