Fihurant «Pracesu čatyrnaccaci» Arciom Dubski paprasiŭ palityčnaha prytułku va Ŭkrainie. Suprać chłopca była zaviedzienaja kryminalnaja sprava artykule 415 UK RB (Uchileńnie ad adbyvańnia pakarańnia ŭ vyhladzie abmiežavańnia voli).
Fihurant «Pracesu čatyrnaccaci» Arciom Dubski paprasiŭ palityčnaha prytułku va Ŭkrainie. Suprać chłopca była zaviedzienaja kryminalnaja sprava artykule 415 UK RB (Uchileńnie ad adbyvańnia pakarańnia ŭ vyhladzie abmiežavańnia voli).Takaja samaja sprava letaś była zaviedzienaja suprać Artura Fińkieviča, tady maładzion atrymaŭ paŭtara hodu źniavoleńnia.
Nahadajem, što Arciom Dubski byŭ abvinavačany ŭ parušeńni hramadzkaha paradku 10 studzienia. Sudździa Centralnaha rajonu stalicy Alena Iljina vyniesła chłopcu pakarańnie ŭ vyhladzie dvuch hadoŭ abmiežavańnia voli, biez nakiravańnia ŭ miescy adbyćcia pakarańnia. Z momantu sudu chłopiec uładkavaŭsia na pracu ŭ rodnych Asipovičach, zarablaŭ pa naborach i razdrukoŭkach tekstaŭ.
U pačatku žniŭnia suprać Dubskaha ŭžo sprabavali zavieści druhuju kryminalnuju spravu za miachlarstva. Nibyta chłopiec padmanuŭ telefonnaha aperatara na niekalki miljonaŭ rubloŭ. Arcioma navat pratrymali troje sutak u śledčym izalatary. Adnak dalej hetaja sprava raźvićcia nie atrymała.
Novaje abvinavačvańnie suprać Dubskaha hruntujecca na troch parušeńniach, jakija nibyta ździejśniŭ chłopiec. Pieršaje — milicyjanty, jakija ažyćciaŭlajuć nahlad, pryjšli dadomu da Dubskaha, abvinavacili jaho ŭ tym, što jon pjany, zavieźli na medyčny ahlad. Analiz kryvi pakazaŭ, što chłopiec ćviarozy, adnak pratakoł byŭ składzieny. Druhoje — siastra Dubskaha prymusiła milicyjantaŭ źniać abutak, pierad tym jak zachodzić u kvateru. Składzieny pratakoł pavodle jakoha chłopiec nie puskaŭ ludziej u formie da siabie. Treciaje — pratakoł za admovu pravieści pravierku zaplečnika. Sam Dubski kaža, što nivodnaje z zapisanych jamu parušeńniaŭ na spravie nia mieła miesca.
6 kastryčnika, kali chłopiec źjaviŭsia ŭ milicyi dla štotydniovaha adznačeńnia, jamu paviedamili, što suprać jaho zaviedzienaja kryminalnaja sprava. «Dali aznajomicca ź niejkimi dakumentami, kab ja padpisaŭ, što zhodny. Paviedamili, što sud adbudziecca praz dva‑try tydni. U toj samy dzień sabraŭ rečy, i nakiravaŭsia ŭ Homiel. Ad 7 kastryčnika ja znachodžusia ŭ Kijevie», — kaža A. Dubski.
Chłopiec havoryć, što pieršyja dni žyŭ u pastara Jarasłava Łukasika, jaki letaś byŭ departavany ź Biełarusi. Ciapier zdymaje žyllo ŭ 25 kilametrach ad ukrainskaj stalicy, šukaje pracu. Jon užo padaŭ dakumenty na atrymańnie palityčnaha prytułku.
«Viartańnie ŭ Biełaruś dla mianie budzie mahčymaje tolki pry źmienie ŭłady. Tut taksama chapaje pracy. Ciapier voś budu rychtavać źjezd «Maładoha frontu», — havoryć Arciom.
Dubski nia pieršy fihurant «Pracesu 14‑i», jaki źjechaŭ z krainy. Taciana Ciškievič źjechała ŭ Polšču pa prahramie Kalinoŭskaha, ciapier dziaŭčyna navučajecca va Ŭrocłavie.
«Hałoŭnaje — heta vopyt!» Łukašenka nazvaŭ, kaho bačyć nastupnym prezidentam13
Kamientary