Patryjarch Kirył abmierkavaŭ padčas telefonnaj razmovy z Papam Rymskim Franciškam situacyju ŭ Siryi. Pra heta patryjarch Kirył zajaviŭ žurnalistam u patryjaršaj rezidencyi ŭ Pieradziełkinie, pieradaje RBK. Videazapis apublikavany na sajcie RPC.
«[U razmovie] była ahulnaja zakłapočanaść situacyjaj u Siryi. I my kazali, viadoma, pra toje, što ŭ tym liku i chryścijanie pavinny paŭpłyvać na situacyju ŭ Siryi takim čynam, kab spynilisia hvałt, vajna, kab nie było tych strašnych achviar, jakija jość siońnia», — skazaŭ patryjarch u adkaz na prośbu žurnalistaŭ raspavieści padrabiaznaści razmovy z Papam.
«Papa i patryjarch damovilisia ab praciahu kanstruktyŭnaha dyjałohu. I my ŭpeŭnienyja, što vyniki buduć dasiahnutyja», — zajaviŭ taksama žurnalistam pres-sakratar patryjarcha śviatar Alaksandr Vołkaŭ.
Pieramovy z Papam, pa słovach Voŭkava, prajšli pa inicyjatyvie patryjarcha Kiryła i doŭžylisia 15 chvilin.
Patryjarch taksama pravioŭ telefonnyja razmovy z patryjarcham Kanstancinopalskim Varfałamiejem, patryjarchami Antyjachijskim Iaanam, Aleksandryjskim Fieadoram i Jerusalimskim Fieafiłam.
Patryjarch Fieafił «horača padtrymaŭ inicyjatyvu patryjarcha Maskoŭskaha nakont abjadnalnaha ruchu ŭsich chryścijan dla mahčymaha mirnaha vyrašeńnia» situacyi, jakaja ciapier skłałasia ź Siryjaj, dadaŭ pres-sakratar.
RPC apieratyŭna prainfarmuje, «jak chryścijanskija lidary buduć sumiesna reahavać na toj humanitarny kryzis, jaki paŭstaŭ u Siryi ŭ suviazi z rakietnymi ŭdarami Złučanych Štataŭ Amieryki i kaalicyi».
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ2
Kamientary