«Maładaja hvardyja Adzinaj Rasii» budzie stvarać hrupy pa 100—200 čałaviek dla navučańnia vuličnym technałohijam i pryjomam masavaj mabilizacyi na mitynhach u padtrymku ŭłady i supraćdziejańni apazicyjanieram u vypadku, kali jany pačnuć «kidacca kamianiami». Pra heta, jak pieradaje karespandent kanała «Dožd́», raspavioŭ lidar arhanizacyi Dzianis Davydaŭ.
U kožnym rehijonie, u pieršuju čarhu ŭ Maskvie, haradach-miljońnikach i prablemnych dla «Adzinaj Rasii» haradach, pavinny źjavicca hrupy pa 100—200 čałaviek, jakija buduć zdolnyja «za hadzinu-dźvie vyjści na vulicu i vykazać svajo mierkavańnie pa samych roznych pytańniach», raspavioŭ jon. Akramia hetaha, na praciahu sutak hvardziejcy pavinny być zdolnymi vyvieści na vulicu paŭtary tysiačy čałaviek.
U hrupy pavinny ŭvajści ideałahična padkavanyja ludzi, jakija sočać za ŚMI i telehram-kanałami, kali jany praciahnuć isnavańnie, kaža Davydaŭ.
«Kali apazicyja pačnie kidacca kamianiami — uciakać my nie majem prava. Sami nie kidajemsia, ale kryŭdzić nikoha nie damo», — kaža Davydaŭ. Pavodle jaho słoŭ, «hvardziejcy» pavinny być hatovymi ŭ tym liku adkazvać na takija padziei, jakija adbyvalisia na Majdanie.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary