Ctaršynia Nacyjanalnaha statystyčnaha kamitetu Ŭładzimier Zinoŭski pryznaŭ, što ŭzhadnieńnie pryznačeńnia kiraŭnikoŭ terytaryjalnych statystyčnych orhanaŭ z vykankamami staviła specyjalistaŭ Minstatu ŭ peŭnuju zaležnaść ad apošnich.
U interviju «Ekonomičieskoj hazietie» staršynia Nacyjanalnaha statystyčnaha kamitetu
Ŭładzimier Zinoŭski patłumačyŭ rearhanizacyju Minstatu nieabchodnaściu vykanańnia pryncypu niezaležnaści pry ažyćciaŭleńni prafesijnaj statystyčnaj dziejnaści.Taki pryncyp za pieršym numaram pradeklaravany ŭ Kodeksie normaŭ Eŭrapiejskaj statystyki, pryniatym u 2005 h. dla dziaržavaŭ — čalcoŭ ES. Takaja norma zamacavanaja i ŭ našym Zakonie «Ab dziaržaŭnaj statystycy».
Staršynia Biełstatu adznačyŭ, što sabranyja jaho kamitetam dadzienyja adlustroŭvajuć nia tolki «raźvićcio asobnych rehijonaŭ, halinaŭ, ministerstvaŭ, kancernaŭ, ale j efektyŭnaść pracy samoha ŭradu».
«I možna dapuścić, što tut karcina moža być roznaj. Usio zaležyć ad taho, da jakoj — realnaj abo «zručnaj» — statystyki prybiahajuć orhany vykanaŭčaj ułady na miescach, kab dakłaści ab vykanańni ŭskładzienych na ich zadačaŭ»— skazaŭ U. Zinoŭski. Pa jaho słovach,
Minstat padparadkoŭvaŭsia Saŭminu, ministar uvachodziŭ u skład uradu, a pryznačeńnie kiraŭnikoŭ terytaryjalnych statystyčnych orhanaŭ uzhadniałasia z vykankamami, što ŭ svaju čarhu časam staviła specyjalistaŭ Minstatu ŭ «peŭnuju zaležnaść ad apošnich».Fakt padparadkavańnia Minstatu ŭradu, pavodle čynoŭnika, vyklikaŭ peŭny niedavier da infarmacyi ministerstva z boku mižnarodnych arhanizacyjaŭ.
Nahadajem, što ad 4 kastryčnika 2008 h. zhodna ukazu № 445 ad 26.08.2008 h. Ministerstva statystyki i analizu pieraŭtvorana ŭ Nacyjanalny statystyčny kamitet (Biełstat) i vyviedzieny z padparadkavańnia ŭradu. Ciapier novy kamitet padparadkoŭvajecca kiraŭniku dziaržavy.
Ci stanie ciapier biełaruskaja statystyka bolš niezaležnaj? Sp. Zinoŭski miarkuje, što tak: «Pieraŭtvareńnie Minstatu ŭ Biełstat z padparadkavańniem kiraŭniku dziaržavy źmienić zaležny łancužok uzhadnieńniaŭ i zabiaśpiečyć atrymańnie abjektyŭnaj infarmacyi pra sacyjalna-ekanamičny, demahrafičny i ekalahičny stan u respublicy i jaje rehijonach».
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary