Maraki z aryštavanaha Ukrainaj rasijskaha sudna źbiehli ŭ Biełaruś
Pradstaŭniki rasijskaha dypkorpusa pajšli na padman, kab vyvieźci ekipaž sudna «Nord» jak hramadzian Rasii, a nie Ukrainy.
Pra heta paviedamlaje ŭ Facebook pres-sakratar Dziaržaŭnaj pamiežnaj słužby Ukrainy Aleh Słabadzian.
Pavodle jaho słoŭ, 19 krasavika dvoje ukraincaŭ, členaŭ kamandy sudna «Nord», vyjechali z Ukrainy ŭ Biełaruś, pradjaviŭšy dakumienty hramadzian Rasii.
Pa słovach Słabadziana, pakolki ŭkrainski bok nie pryznaje dakumienty, vydadzienyja akupacyjnymi ŭładami Rasii ŭ Krymie, ale heta nie raspaŭsiudžvajecca na dakumienty, vydadzienyja aficyjna dziejučymi dyppradstaŭnictvami Rasii va Ukrainie, i pakolki transkrypcyja proźviščaŭ hramadzian u pašpartach Rasii adroźnivałasia ad identyfikacyjnych dadzienych hramadzian Ukrainy — členaŭ kamandy «Nordu», jakija ŭtrymlivalisia ŭ bazach dadzienych, dadzienyja hramadzianie byli prapuščanyja praź miažu i vylecieli ŭ Biełaruś.
Jašče siemiarym marakam krainu pakinuć nie dali. Ich rasijskija pašparty kanfiskavali.
Dvum marakam, jakija vylecieli ŭ Biełaruś, užo zabaronieny ŭjezd va Ukrainu na 3 hady.
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary