Na trasie M1 (Brest — Minsk - miaža Rasii), na ŭčastku darohi pamiž Dziaržynskam i Baranavičami, — piasčanaja bura. Niazvykłaja dla Biełarusi źjava vyklikała mnostva DTZ.
«Z paloŭ (vierahodna) padniaŭsia suchi piasok. Šmat avaryj, jość paciarpiełyja», — paviedamiŭ adzin z čytačoŭ Tut.by.
«Kali jechać z boku Minska, nie dajazdžajučy «Zubra» (mietaličny znak u vyhladzie zubra na trasie M1) kiłamietr ci dva prykładna», — udakładniŭ jašče adzin śviedka.
«Na M1, nie dajazdžajučy miažy Minskaj i Bresckaj vobłaści, mocny zamies prama na pieramiecie. U pravym fura, volva ŭ kiuviecie, abiedźvie pałasy ŭ askiepkach. Na abočynie mašyn 10, niezrazumieła, raziavaki abo taksama ledź kocnulisia. Znakaŭ nie było, miarkujučy pa paškodžańniach u «Volva», usio vielmi i vielmi sumna. Pa chodu, čarhovy prafiesijanał na fury vyrašyŭ, što nie pa-pacansku tarmazić pry nulavoj bačnaści», — adznačaje karystalnik foruma Onliner.by.
Kamientary