«Ja dumaju, što heta jany [ZŠA] pavinny imknucca vychodzić u kosmas u našych skafandrach», — paviedamiŭ RIAN sienatar Savieta Fiederacy ad rasijskaj ułady Krymu Siarhiej Cekaŭ (mienavita ŭ Krymu Rasija raźmiaściła centr kiravańnia palotami).
Pavodle jaho słovaŭ, što tyčacca biaśpieki, «rasiejskaja pradukcyja zarekamiendavała siabie lepš, u ZŠA było bolš avaryj i hibieli ludziej».
«Karystacca ichnimi skafandrami? Nie viedaju, ja b nie staŭ. Chaj z nas prykład biaruć», — padsumavaŭ Cekaŭ.
Pahadnieńnie ab supolnym stvareńni kalamiesiacovaj stancyi Deep Space Gateway (paśla źmieny nazvy — Lunar Orbital Platform — Gateway) Rasija dy ZŠA padpisali ŭ 2017 hodzie. Rasija płanuje vyrabić šluzavuju kamieru dla vychadaŭ ekipažaŭ u adkryty kosmas. Čakajecca, što budaŭnictva stancyi pačniecca ŭ 2022 hodzie, a rasijski adsiek da jaje dałučać u 2024 hodzie.
Zaraz na MKS vykarystoŭvajucca dva vidy skafandraŭ: rasijski «Arłan» i amierykanski «EMU».
Rasijski skafandr «Arłan». Fota: Vikipiedyja.
Amierykanski skafandr «EMU». Fota: Vikipiedyja.
Abodva skafandry majuć šerah pieravah i niedachopaŭ. Naprykład, palčatki EMU tančejšyja, što robić pracu kasmanaŭtaŭ bolš zručnaj. U svaju čarhu, vaha «Arłana» roŭnaja 110 kh suprać 136 kh amierykanskaha anałaha.