Aeraport u Charkavie.
Heta źviazana z tym, što ŭ Biełarusi dahetul nie pracujuć papularnyja jeŭrapiejskija łaŭkostary. Pakul u krainu nie mohuć pryjści navat rasijskija łaŭkostary, a prychod Ryanair ci Wizz Air navat nie abmiarkoŭvajecca.
U hety ž čas va Ukrainie zrabili staŭku na prychod łaŭkostaraŭ. Razam ź biaźvizam u zonu Šenhien heta daje svaje vyniki — ukraincy atrymali dastupnyja paloty pa adekvatnych cenach, što vyklikała imklivy rost avijapieravozak u krainie. I heta prytym, što samy papularny jeŭrapiejski łaŭkostar Ryanair jašče nie pačaŭ pracu va Ukrainie — kampanija raspačnie paloty sioleta u vieraśni z Kijeva, Lvova i Chiersona. Kvitok da Łondana z Kijeva budzie kaštavać 43 jeŭra, a sa Lvova — 30 jeŭra.
Ale navat i biez Ryanair va Ukrainie dastatkova avijakampanij z dastupnymi kvitkami: WizzAir, Air Arabia, Fly Up, Aegan, YanAir i inšyja.
I navat biez Ryanair (jaki chutka źjavicca), ukrainskija aeraporty (u tym liku rehijanalnyja) pakazvajuć imklivy rost kolkaści pasažyraŭ.
Za 2017 hod aeraporty Ukrainy absłužyli 16,5 miljona pasažyraŭ, 14,6 miljona ź ich — mižnarodnyja rejsy (rost na 29,2% u paraŭnańni z 2016 hodam). Asobnyja aeraporty adznačylisia jašče bolš.
«Kijeŭ-Žulany» absłužyli 1,852 miljona pasažyraŭ, što na 64,2% bolš, čym ŭ 2016 hodzie.
Lvoŭ pryniaŭ 1 miljon 80 tysiač pasažyraŭ (na 46,3% bolš, čym ŭ 2016 hodzie).
Charkaŭ absłužyŭ 806 tysiač pasažyraŭ, rost na 35% za hod.
Małaimavierna, što biełarusy pačnuć latać u Jeŭropu z Ukrainy — zručniej, jak i raniej, rabić heta ź Litvy i Polščy. Ale imklivy rost avijapieravozak va Ukrainie pakazvaje, što prychod łaŭkostaraŭ palapšaje mabilnaść nasielnictva i spryjaje turyzmu, u tym liku ŭjaznomu.
