U noč na 24 krasavika palicyja štata Mičyhan atrymała paviedamleńni, što na trasie kala Detrojta źjaviŭsia patencyjny samazabojca. Jon staŭ na most nad prajeznaj častkaj i pahražaŭ saskočyć na darohu. Mužčynu ŭdałosia vyratavać — z dapamohaj niekalkich kiroŭcaŭ hruzavikoŭ, pieradaje CNN.
Spačatku palicyjanty pierakryli ruch na trasie. Zatym jany źviazalisia z dalnabojščykami i paprasili ich dapamahčy. 13 hruzavikoŭ raźmiaścili prosta pad mostam, pierakryŭšy ŭsiu darohu, tak kiroŭcy skaracili vyšyniu patencyjnaha padzieńnia amal u dva razy. Pradstaŭnik palicyi adznačyŭ, što zvarot da dalnabojščykaŭ u takich vypadkach — nie redkaść, ale jon upieršyniu bačyŭ tak šmat udzielnikaŭ «apieracyi».
Pieramovy z mužčynam praciahvalisia bolš za čatyry hadziny. U vyniku jon pahadziŭsia spuścicca i źviarnuŭsia pa miedycynskuju dapamohu.
Kamientary