Nočču 24 krasavika ŭ milicyju patelefanavaŭ žychar vioski Bałašy, što ŭ Vilejskim rajonie, i paviedamiŭ, što na vulicy biez baćkoŭ hulaje maleńkaja dziaŭčynka, paviedamlaje kraj.by sa spasyłkaj na hazietu «Šlach pieramohi».
— Mužčyna ŭbačyŭ dziaŭčynku na vulicy kala hadziny nočy, - patłumačyła situacyju v.a. načalnika inśpiekcyi pa spravach niepaŭnaletnich Vilejskaha RAUS Darja Ściapuk. — Dziaŭčynka nie była napałochanaja, lohka pajšła na kantakt z mužčynam, a paśla ź milicyjaj.
Dziaŭčynku pryviali dadomu, ale baćkoŭ na miescy nie akazałasia. Abjavilisia jany tolki praz sutki.
Uvieś hety čas dzicia znachodziłasia ŭ vilejskaj balnicy, kudy jaje pryvieźli supracoŭniki adździeła adukacyi. Dziaŭčynka zdarovaja, paškodžańniaŭ jak cialesnych, tak i psichałahičnych niama.
Pa słovach Darji Ściapuk, raniej jaje baćki ŭžo traplali ŭ pole zroku orhanaŭ prafiłaktyki.
