U siecivie źjaviŭsia klip na biełaruskuju viersiju pieśni Devida Boŭi Space Oddity. Kavier stanie saŭndtrekam da filma «Tajemnaje žyćcio Uołtera Mici», jaki voś-voś vyjdzie na vialikija ekrany ŭ biełaruskaj ahučcy. Inicyjatyva zapisać saŭndtrek na biełaruskaj movie i źniać videa naležyć prajektu «Biełaruskija ŭikendy» i kampanii velcom.
U hałoŭnych rolach vystupili ŭdzielnik hurta ŁSP Piotr Klujeŭ i talenavitaja vykanaŭca, zorka YouTube Valeryja Jaskievič. Pieršyja prychilniki źjavilisia ŭ Valeryi dziakujučy YouTube-kanału, dzie dziaŭčyna źmiaščaje ŭłasnyja kaviery na papularnyja pieśni. U 2017 hodzie Lera stała ŭdzielnicaj ukrainskaha šou talentaŭ X-Factor, ciapier na jaje YouTube-kanale bolš za 350 tysiač padpisčykaŭ. U Piatra Klujeva za plačyma ŭžo nie adno vystupleńnie. Chłopiec šmat hadoŭ apantany idejaj prasoŭvać biełaruskuju muzyku: spačatku jon hraŭ u pierachodach, potym arhanizavaŭ ułasny hurt «Amplituda Śmiełaści», ź jakoj staŭ finalistam šou X-Factor. Siońnia Piotr — udzielnik papularnaha biełaruskaha hurta ŁSP. Ekśpierymientalny duet atrymaŭsia na ździŭleńnie harmaničnym, a klip — nievierahodna pavietranym.
Klip zdymali ŭ centry horada na dachu ofisa kampanii velcom. Stvarać asablivuju atmaśfieru na placoŭcy dapamahała tvorčaja hrupa viadomaha biełaruskaha riežysiora Mitryja Siamionava-Alejnikava. Mitryj — udzielnik šmatlikich mižnarodnych kinafiestivalaŭ, uklučajučy velcom Smartfilm. Jaho karatkamietražny film «Adnoj kryvi» pabyvaŭ na bolš čym 60 kinafiestyvalach pa ŭsim śviecie i ŭziaŭ 15 uznaharod.
«Tak časta byvaje na zdymkach, čakaješ pa prahnozach sonca — a atrymlivaješ doždž. Zdymali na dachu, u niepradkazalnych umovach nadvorja. Heta sapraŭdnaje žyćcio, jakoje vielmi adroźnivajecca ad studyjnaj zdymki. Mnie vielmi spadabałasia pracavać z rabiatami. Lera i Piecia vydatna adčuvali adzin adnaho, mnie zastavałasia tolki akuratna fiksavać tvorčy praces. Ščaślivy paŭdzielničać u prajekcie «Biełaruskija ŭikiendy». Pryjemna, što vialikija kampanii, takija jak velcom, padtrymlivajuć nacyjanalnyja kulturnyja prajekty. Upeŭnieny, rana ci pozna my i sami pačniem zdymać kino na biełaruskaj movie», — dzielicca ŭražańniami ab zdymkach režysior Mitryj Siamionaŭ-Alejnikaŭ.
Premjera filma «Tajemnaje žyćcio Uołtera Mici» adbudziecca 27 krasavika ŭ kinateatry «Maskva». Pakazy taksama projduć z 29 krasavika pa 1 maja ŭ kinateatry velcom cinema. Kvitki možna nabyć u kasach kinateatraŭ ci pa spasyłcy.
Prajekt «Biełaruskija ŭikendy» realizuje kampanija «Kinakonh» pry padtrymcy velcom. U miežach prajekta adbyłosia ŭžo bolš za 30 pakazaŭ viadomych karcin, pierakładzienych i ahučanych na biełaruskaj movie, siarod ich — «Chroniki Narnii: leŭ, viadźmarka i harderob», «Maleńki prync», «Forest Hamp», «Žonka dahladčyka zaaparka», «Kniha Iłaja», «Tajamnica Kiełza» i mnohija inšyja.
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary