Mužčyna napaŭ na vučniaŭ siaredniaj škoły ŭ kitajskaj pravincyi Šeńsi. Pra heta paviedamlajuć ułady pavieta Minčžy (akruha Jujliń) na aficyjnaj staroncy ŭ sacyjalnaj sietcy Weibo.
Pavodle paviedamleńnia, napad adbyŭsia v 13:10 pa biełaruskim časie, kali navučency adnoj ź siarednich škoł u Minčžy viartalisia dadomu.
U vyniku napadu siamiora dziaciej zahinuli, jašče 12 atrymali ranieńni. U paviedamleńni nie adznačajecca, jakim čynam paranili dziaciej.
Čałavieka, jaki napadaŭ, užo zatrymali, pryčyny jaho dziejańniaŭ pakul nie vyśvietleny.
«Paciarpiełyja dzieci dastaŭleny ŭ balnicu, miedyki robiać usio mahčymaje, kab ich vylečyć», — havorycca ŭ paviedamleńni.