Pieršy namieśnik atamana «ŭsievialikaha vojska danskoha» Michaił Biaspałaŭ raspavioŭ, što ŭ Rastovie-na-Donie kazaki buduć pryciahnuty da achovy paradku padčas Čempijanatu śvietu pa futbole:
«My rychtujem 200 družyńnikaŭ, jakija buduć rehularna z palicyjaj pracavać, buduć pryciahvacca i vałanciory-kazaki. Plus 100 końnikaŭ u formie — u nas tam bolš za 300 ahułam», — rastłumačyŭ Biaspałaŭ.
Pavodle jaho słoŭ, na testavych matčach, kazaki «u poŭnaj miery va ŭzajemadziejańni z palicyjaj adpracoŭvajuć padtrymańnie paradku».
«Ale ŭ adroźnieńnie ad palicyi, my pradstaŭlajem Cichi Don, my paznačajem, što my — danskija kazaki, z łampasami, u pryhožaj formie, z uśmieškaj. Navat pačynajem vyvučać zamiežnyja movy, — zaŭvažyŭ pradstaŭnik kazačaj arhanizacyi. — Viadoma, my nie paśpiejem vyvučyć piać moŭ, tych, chto da nas pryjedzie, ale, pa mienšaj miery, ja dumaju, što kazaki zaŭsiody znojduć, jak ludziam patłumačyć — kudy iści, jak siabie pavodzić».
