Paśla publikacyj u ŚMI vazočnik u Homieli, jakomu patrebien padjomnik, sabraŭ nieabchodnuju kolkaść podpisaŭ
Invalidu-vazočniku z Homiela Andreju Antonienku atrymałasia ŭhavaryć susiedziaŭ dazvolić ustalavać u padjeździe padjomnik. Nie ŭsich, ale mnohich — i hetaha ŭžo dastatkova, piša Tut.by.
— Mama z namieśnikam kiraŭnika administracyi i staršynioj tavarystva abyšli kvatery. Z 118 tych, chto pryniaŭ udzieł u hałasavańni ułaśnikaŭ «za» vykazalisia 79 čałaviek. Staršynia skazała, što pavodle statutu MS hetaha dastatkova, — paviedamiŭ Tut.by Andrej.
Ciapier, pa słovach chłopca, zastałosia tolki čakać: bo haradskija ŭłady paabiacali znajści sponsaraŭ dla ŭstalavańnia kanstrukcyi.
Nahadajem, vazočnik Andrej Antonienka ŭžo try hady damahajecca ŭstalavańnia ŭ padjeździe, dzie pražyvaje, padjomnika, jaki dazvoliŭ by jamu pieraadolvać siem prystupak ad lifta da dźviarej padjezda i vyjazdžać na vulicu.
Spačatku adpiralisia čynoŭniki, narakajučy na toje, što chłopiec zarehistravany ŭ inšaj kvatery, a takim čynam, padjomnik jamu naležyć tolki pa miescy prapiski. Ale paśla vizitu Andreja da mera horada prablema pačała vyrašacca. Praŭda, jak tolki miascovyja ŭłady paviedamili, što hatovyja dapamahčy z padjomnikam, uzbuntavalisia susiedzi, jakija na schodzie niečakana i amal adnahałosna vykazalisia suprać jaho ŭstalavańnia.
Ab prablemie stali pisać ŚMI, i nieŭzabavie mnohija žychary doma pa vulicy Narodnaha Apałčeńnia stali mianiać svajo mierkavańnie.
— Ja, biezumoŭna, rady, što nieabchodnuju kolkaść podpisaŭ udałosia sabrać — heta chaj i maleńkaja, ale pieramoha. Ale nas jašče čakaje doŭhi šlach da pryniaćcia ludziej ź invalidnaściu. Ustalavańnie padjomnika — heta maleńki krok na hetym šlachu dla mianie i vialiki — dla ŭsiaho hramadstva, — padzialiŭsia emocyjami Andrej.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary