Dvuchhadovaje dzicia patanuła ŭ dvary pryvatnaha doma ŭ Navahrudskim rajonie, paviedamlaje Hrodzienskaje abłasnoje ŭpraŭleńnie MNS.
Trahiedyja zdaryłasia ŭ vioscy Usielub 28 krasavika. Chłopčyki 2015 i 2016 hadoŭ naradžeńnia razam sa starejšaj siastroj hulali na dvary. Baćka byŭ na pracy, a maci karmiła chatniuju žyviołu ŭ chlavie, pieryjadyčna nazirajučy za dziećmi.
U niejki momant małodšy syn źnik z pola zroku žančyny. Jana padbiehła da jomistaści z vadoj u dvary i znajšła jaho tam biez prykmiet žyćcia. Maci paviedamiła pra heta ŭ chutkuju miedycynskuju dapamohu, a da jaje pryjezdu sprabavała reanimavać dzicia samastojna.
Lekary praciahvali reanimacyjnyja mierapryjemstvy jašče kala paŭhadziny, ale chłopčyka vyratavać tak i nie ŭdałosia.