Pieršy fiestyval intelektualnaj knihi «Pradmova» projdzie ŭ Minsku

Kali: 27—31 traŭnia

Dzie: Ok16, vuł. Kastryčnickaja, 16

Pavialičyć

Fiestyval intelektualnaj knihi «Pradmova» — heta krytyčny ahlad zroblenaha na biełaruskim knižnym rynku za apošnija hady i sproba adšukać adkazy na pytańni: kudy my musim rušyć dalej, ci maje budučyniu biełaruskaja intelektualnaja kniha, u jakich tradycyjach i varunkach my znachodzim siabie zaraz?

«Naš fiestyval — heta placoŭka dla intensiŭnaj kamunikacyi pamiž usimi ŭdzielnikami knihavydavieckaha pracesu: vydaŭcami i aŭtarami, redaktarami i krytykami, ilustratarami i dyzajnierami, pierakładčykami i biezumoŭna čytačami, zacikaŭlenymi ŭ sučasnaj i jakasnaj biełaruskaj intelektualnaj knizie», — pierakananyja arhanizatary.

Admietnaj častkaj fiestyvalu stanie vystava-prodaž narobku biełaruskich vydaviectvaŭ za apošnija hady ŭ halinie intelektualnaj litaratury i litaratury non-fiction (intelektualnaja proza, eseistyka, fiłasofskaja i hramadskaja vieda, navukova-papularnaja litaratura, pierakłady — biełaruskich aŭtaraŭ ci vydadzienyja na biełaruskaj movie pierakłady zamiežnych aŭtaraŭ).

Na vystavie vy zmožacie ŭbačyć pradukcyju vydaviectvaŭ: ARCHE, «Halijafy», «Źmicier Kołas», «Knihazbor», «Limaryus», «Łohvinaŭ», «Technałohija», «Ekonompriess», «Januškievič» i inš.

Padčas fiestyvalu adbuducca dyskusii i kruhłyja stały, majstar-kłasy i prezientacyi novych knih biełaruskich vydaviectvaŭ, mastackija čytańni i vystupy-pierformansy aktoraŭ, sustrečy ź cikavymi asobami, pieramožcami i siabrami žury litaraturnych premij i šmat jakija inšyja litaraturnyja i kalalitaraturnyja imprezy, pryśviečanyja biełaruskaj intelektualnaj knizie. Asobna varta adznačyć taksama Dziciačy farmat: šerah zabaŭlalnych mierapryjemstvaŭ i prezientacyj dla dziaciej i dyskusii-abmierkavańni dla ich baćkoŭ, datyčnyja budučyni biełaruskaj dziciačaj knihi.

Siarod udzielnikaŭ fiestyvalu: V. Akudovič, U. Arłoŭ, A. Bacharevič, Ł. Barščeŭski, S. Dubaviec, I. Dubianieckaja, P. Kaściukievič, M. Martysievič, U. Mackievič, B. Piatrovič, A. Upała, A. Chadanovič, Ju. Cimafiejeva, V. Šparaha i mnohija inš.

Nam važna zrabić fiestyval ahulnaj placoŭkaj dla kamunikacyi i sustreč, tamu, kali vy pradstaŭnik vydaviectva albo arhanizacyi, datyčnaj da knižnaj spravy, i žadajecie pryniać udzieł u farmacie vystavy-prodažu z ułasnym stendam i infarmacyjaj pra vašu dziejnaść ci pradukcyju, — rehistrujciesia pa spasyłcy, zaklikajuć arhanizatary.

Kali vy majecie cikavyja idei mierapryjemstvaŭ dla fiestyvalnaj prahramy — piersanalna ci ad imia vašaj arhanizacyi, — my taksama zaprašajem vas da ŭdziełu!

Dla rehistracyi zajaŭki na mierapryjemstva ŭ miežach fiestyvalu zapoŭnicie admysłovuju formu.

Zajaŭki na fiestyval i vystavu prymajucca da 14 traŭnia.

Najbolš cikavyja i važnyja z zajaŭlenych mierapryjemstvaŭ stanuć častkaj prahramy Pieršaha biełaruskaha fiestyvalu intelektualnaj knihi «Pradmova».

Uvachod dla haściej — volny!

Šukajcie nas u Facebook i Vkontakte.

+375297738443 (Pavał), +375445424342 (Alaksandra)

• 0
• 0
• 0
• 0
• 0
• 0
• 0
• 0