Ranicaj 6 maja ŭ restaranie «Lido» na vulicy Kulman u Minsku abrynuŭsia padjomnik, pryznačany dla invalidaŭ. Traŭmy atrymała 85-hadovaja piensijanierka, praz sutki jana pamierła, paviedamlaje TUT.BY.
Minčanka Inesa Kazimiraŭna adpraviłasia ŭ restaran niadzielnaj ranicaj. Žančynie było 85 hadoŭ, i pierasoŭvałasia jana tolki z kijem. Kab spuścicca ŭniz z druhoha paviercha, abrała padjomnik, pryznačany dla invalidaŭ.
«Miarkujuć, što niešta abarvałasia. Nam skazali, miarkujučy pa zapisach z kamier, heta adbyłosia praź siekundu paśla taho, jak jana zajšła — padniaŭsia pył, jak paśla abvału. Babulu špitalizavali, praviali apieracyju. Ale čałaviek pažyły… Jana nie pieražyła hetuju noč», — raspavioŭ jaje ŭnuk Maksim.
Viadoma, što ŭ vyniku padzieńnia žančyna atrymała šmat traŭmaŭ, u tym liku niekalki pierałomaŭ abiedźviuch noh.
Infarmacyju pra incydent TUT.BY paćvierdzili ŭ Śledčym kamitecie:
«Pa papiarednich dadzienych, adbyŭsia abryŭ kabiny liftavaj płatformy dla asob z abmiežavanymi mahčymaściami. Unutry znachodziłasia sastarełaja žančyna, joj byli naniesieny cialesnyja paškodžańni. Paciarpiełuju špitalizavali, paźniej jana pamierła», — raspaviała aficyjny pradstaŭnik SK Julija Hančarova.
Dakładnuju pryčynu śmierci vyznačać śpiecyjalisty, pryznačana sudova-miedycynskaja ekśpiertyza.
Jak udakładnili ŭ Dziaržpramnahladzie, havorka idzie pra padjomnuju płatformu zakrytaha typu. Jana pryznačana dla pieramiaščeńnia invalidaŭ, hruzapadymalnaść — 225 kh. Była vyrablena ŭ 2012 hodzie, a ŭstalavana ŭ bistro ŭ 2013-m.
«Jak miarkujecca, pryčyna padzieńnia padjomnika — abryŭ ciahavych kanataŭ», — adznačyli śpiecyjalisty viedamstva.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka3
Kamientary