Vyśvietliłasia, što tak zvanyja «krymskija kazaki», što razhaniali pratestoŭcaŭ u Maskvie ŭdarami nahajek, viarnulisia z Danbasa, piša rasijskaja «Novaja hazieta».
Pa infarmacyi vydańnia, Krymski kazačy połk uvachodzić u Sajuz kazakoŭ-voinaŭ Rasii i Zamiežža, uznačaleny Mikałajem Dźjakanavym.
Paviedamlajecca, što ŭ Dźjakanava i jaho padnačalenych — bahaty vopyt udziełu ŭ palityčnych akcyjach i bajavych dziejańniach. Ich uzdym pačaŭsia niezadoŭha da rasijska-ŭkrainskaha kanfliktu.
Krymski kazačy połk, jak arhanizacyja, byŭ stvorany tolki 15 sakavika 2014 hoda, za dzień da «krymskaha refierendumu». U jaho skład uvajšli kala 400 čałaviek.
«Paśla «krymskaj viasny» kazaki Dźjakanava adpravilisia vajavać na Danbas. Sam jesauł (Dźjakanaŭ) pra bitvy na terytoryi ŭschodniaj Ukrainy vykazvaŭsia strymana, raspaviadajučy ab paśpiachovych bajavych dziejańniach u Śniežnym i na Saur-mahile (ukrainskaja armija straciła zabitymi bolš za 1000 čałaviek)», — havorycca ŭ paviedamleńni.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu5
Kamientary