Rok-muzyka armianskaha pachodžańnia, lidar hurta System of a Down Sierž Tankian paśla prybyćcia ŭ Jerevan vystupiŭ pierad prychilnikami apazicyjnaha lidara Nikoła Pašyniana, jakoha 8 maja znoŭ buduć zaćviardžać na pasadu premjera. Tankian praśpiavaŭ im pieśniu na armianskaj movie Bari Aragil, paviedamlaje partał News.am.
U svaim Instagram Tankian papiaredžvaŭ, što nie maje namieru davać kancert. Tym nie mienš na mitynhu ŭ Jerevanie jon praśpiavaŭ pieśniu «Dobry busieł» («Bary Arahił»). Videa z vystupam muzyki było apublikavana ŭ YouTube.
«Śviet doŭhi čas viedaŭ nas dziakujučy muzycy, [z-za] hienacydu, ale vy padniali mižnarodny aŭtarytet našaj krainy. Ja doŭhija hady maryŭ pra hety dzień i ciapier hanarusia, stojačy pobač z vami», — źviarnuŭsia Tankian da prysutnych na płoščy Respubliki.
U aeraporcie Jerevana muzykanta sustreŭ Nikoł Pašynian. Havoračy pra palityku, muzykant adznačaŭ, što padtrymlivaje jaho dziejańni suprać kiroŭnaj Respublikanskaj partyi. «Vielmi abnadziejlivy kandydat. My ŭskładajem vialikija nadziei na Nikoła. Heta kandydat našych ludziej. Ja budu sačyć za im», - cytuje słovy Tankiana partał News.am.
Źmienu ŭłady ŭ Armienii lidar System of a Down nazvaŭ svajoj maraj. «Čas dla jaje pryjšoŭ, tak jak padniaŭsia ŭvieś narod. My dva tydni nie śpim - usia dyjaspara z vami. Heta była maja mara», — skazaŭ jon.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary