Biełaruski palitykum praciahvaje abmiarkoŭvać šeście «Nieśmiarotny połk» u Minsku. Nahadajem, što ŭpieršyniu prarasijskija siły adździalilisia ad ahulnaha śviatkavańnia i praviali asobnaje šeście, niahledziačy na pieršapačatkovuju (paśla admienienuju) zabaronu harvykankama.
«Zabaranić jaho ci razahnać było b vialikaj pamyłkaj, — piša ŭ siabie ŭ fejsbuku błohier Anton Matolka. — Uznačalić — taksama nie varyjant. Ale: što pieraškadžała vyvodzić z natoŭpu ludziej z partretami Hitlera… ćfu, Stalina? Što pieraškadžała kropkava vyvieści tych, chto razdavaŭ hieorhijeŭskija stužački, i [samim razdavać] čyrvona-zialonyja z kvietkaj?» — piša Matolka.
«Nu i jašče. Mnohija ščyra dziviacca, maŭlaŭ, u Minsku vyjšła 1500 čałaviek (u Breście ŭvohule amal 10 tysiač) na hety marš. A ja chaču skazać — heta vielmi mała dla našaj krainy, dzie jość kult Vialikaj Ajčynnaj vajny i ŭsia historyja pačynałasia z 1941 hoda. Što drennaha ŭ tym, što ludzi vyjšli z partretami svaich blizkich ušanavać pamiać? Dy ničoha. Havorka pra toje, što prosty abyvaciel nie dumaje ab hetaj vašaj hieapalitycy. I 1500 čałaviek u Miensku — heta pšyk. Prostych ludziej vinavacić nie varta. Z hetych paŭtary tysiačy čałaviek uvieś malunačak rabili 200 frykaŭ i za hrošy Rassupracoŭnictva. Astatnija ž — absalutna ščyra pryjšli. Ale dumać nad 9 maja 2019 hoda treba ŭžo zaraz», — zaklikaje Matolka.
