Prezydent Respubliki Turkmenistan Hurbanhuły Bierdymuchamiedaŭ vydaŭ pastanovu pra stvareńnie specyjalnaj kamisii, što budzie rehulavać dziejnaść piśmieńnikaŭ, scenarystaŭ i režysioraŭ.
U pastanovie, nadrukavanaj u turkmienskaj presie 22 kastryčnika, u pryvatnaści havorycca:
«
U metach zabieśpiačeńnia bolš vysokaha mastackaha ŭzroŭniu i hłybinistvarajemych kinascenaraŭ, pjes, ramanaŭ, apovieściej, bujnych paem, zaklikanych adlustravać maštabnyja pieratvareńni epochi novaha Adradžeńnia, a taksama hramadzkija i čałaviečyja ŭzajemaadnosiny, nacyjanalnyja tradycyi i abrady, čałaviečyja charaktary i losy, prezydent Turmienistana padpisaŭ pastanovu, zhodna ź jakoj pry Kabiniecie ministraŭ stvorany i zaćvierdžany skład dziaržaŭnaj kamisii pa acency mastackaha ŭzroŭniu hetych tvoraŭ.
Kamisija nadzialajecca pravam aceńvać mastacki ŭzrovień adpaviednych tvorčych prac i vydavać dazvoł na ich publikacyju, sceničnuju pastanoŭku, praviadzieńnie zdymak».
Bi‑Bi‑Si adznačaje, što razhublenaja hetaj pastanovaj turkmienskaja intelihiencyja kaža pra kaniec adlihi ŭ krainie.
«Mnohija, dy amal usie, ličyli pačatak kiravańnia Bierdymuchamiedava kštałtu adlihi, što była ŭ SSSR u 1960‑yja. Ale pastupova hetyja iluzii źnikli, a apošniaja pastanova dała ŭsim zrazumieć, što paśla adlihi nastupili zamarazki», — kaža mastak‑pastanoŭščyk adnaho z teatraŭ.
«Paśla hetaha z krainy dakładna źjeduć tyja, chto zdoleŭ vytryvać samyja ciažkija časy nijazaŭskaha ciemrašalstva.I niama nadziei na adradžeńnie, usio mastactva, taksama jak i za Nijazavym, budzie zamianiacca idealahičnym surahatam», — dadaje jon.
Adzin ź piśmieńnikaŭ padkreśliŭ, što što stvareńnie takoj kamisii stavić kryž na čakańniach pieramien usioj tvorčaj intelihiencyjaj.
