U Eŭrapiejskaha źviazu pakul niama planaŭ pačać pieramovy ź biełaruskim bokam adnosna źmianšeńnia koštu šenhienskich vizaŭ.
Pra heta paviedamili ŭ presavaj słužbie viarchoŭnaha pradstaŭnika EZ pa źniešniaj palitycy Chaŭjera Salany.
«Eŭraźviaz tolki na pačatku svaich novych dačynieńniaŭ ź Biełaruśsiu, i raźvićcio hetych dačynieńniaŭ budzie zaležać ad dziejańniaŭ biełaruskich uładaŭ u sfery pravoŭ čałavieka. Zarana havaryć pra novyja dačynieńni ŭ padrabiaznaściach.
Vizy — važnaja prablema ŭ dyjalohu z Bruselem. Ale ciapier niama nijakich planaŭ raspačać pieramovy nakont palohki ź vizami. Asobnyja krainy-siabry EZ, jakija ŭvachodziać u šenhienskuju zonu, majuć u spravie vizaŭ adnosnuju svabodu dziejańniaŭ, i važna, kab jany pabačyli, što jany mohuć zrabić na hetym uzroŭni».