Śpiavačka Julija Samojłava, jakaja pradstaŭlała Rasieju na «Jeŭrabačańni-2018», pryznałasia, što nichto ź jaje kamandy nie razhladaŭ mahčymaść pieramohi ŭ muzyčnym spabornictvie. Pra heta jana zajaviła ŭ intervju, apublikavanym na YouTube-kanale «The Ludzi».
«Zychodziačy z maich nazirańniaŭ, ź niejkich fraz, pačutych u našaj kamandzie, — było skazana nie raz, što my nie jedziem za pieramohaj. Było prykra ŭsio heta słuchać, kali ja razumieła, što my jedziem, pa sutnaści, prosta adznačycca. Dla ptušački», — zajaviła Samojłava.
Nahadajem, spačatku śpiavačku vybrali dla ŭdziełu ŭ «Jeŭrabačańni-2017» u Kijevie, adnak Słužba biaśpieki Ukrainy nie puściła Samojłavu ŭ krainu praź niezakonnaje naviedvańnie akupavanaha Kryma.
U intervju śpiavačka vykazała zdahadku, što jaje vybrali ŭ jakaści ŭdzielnicy «Jeŭrabačańnia» va Ukrainie «nie prosta tak». «Im patrebien byŭ piersanaž z peŭnymi jakaściami… ci niedachopami, nie viedaju, jak skazać», — padkreśliła jana.
