Prezident Ukrainy Piatro Parašenka prajechaŭ u kabinie ciahnika padčas uračystaha adkryćcia čyhunačnaha Biaskidskaha tunelu ŭ Lvoŭskaj vobłaści. Pra heta kiraŭnik dziaržavy napisaŭ na svajoj staroncy ŭ Facebook.
«Biaskidski tunel adkryty! Heta prajekt, dziakujučy jakomu Ukraina stała jašče bližej da Jeŭrapiejskaha sajuza, a ES — da Ukrainy», — napisaŭ jon.
Tunel daŭžynioj 1764 mietry, prakładzieny praź Biaskidski pieravał va ŭkrainskich Karpatach, staŭ častkaj Piataha panjeŭrapiejskaha transpartnaha kalidora, jaki złučaje Lvoŭ i italjanski port Tryjest na bierazie Adryjatyčnaha mora.
Jon byŭ pabudavany na źmienu staromu tunelu, jaki dziejničaŭ z 1886 hoda. Kali stary tunel moh prapuskać tolki 47 par ciahnikoŭ u sutki, to novy — bolš za 100. Čakajecca, što heta palepšyć dostup ukrainskich tavaraŭ na rynki Italii, Słavienii, Vienhryi i Słavakii.
Hrošy na zabojstva rasijskaha lotčyka ŭ Ispanii, jaki pierahnaŭ va Ukrainu viertalot Mi-8, pieradali rasijskija dypłamaty8
Kamientary