Alaksandr Łukašenka abmierkavaŭ siońnia na sustrečy ź ministram zamiežnych spraŭ Rasii Siarhiejem Łaŭrovym padrychtoŭku da majučaha adbycca pasiadžeńnia Vyšejšaha dziaržaŭnaha savieta Sajuznaj dziaržavy, piša BIEŁTA.

Alaksandr Łukašenka ciopła vitaŭ Siarhieja Łaŭrova, padkreśliŭšy, što Biełaruś dla jaho nie čužaja kraina. «Ja ŭ hetym absalutna ŭpeŭnieny. Pryvodziŭ i zaŭsiody pryvodžu jak prykład i ŭzor dla ŭsich našych viedamstvaŭ, i biełaruskich, i rasijskich, supracoŭnictva pamiž ministerstvami zamiežnych spraŭ Biełarusi i Rasii. Vy zaŭsiody znachodzicie ŭzajemarazumieńnie, zaŭsiody płanujecie i vykonvajecie płany ŭ adroźnieńnie ad mnohich płanaŭ, jakija ŭ nas isnujuć u roznych, u tym liku intehracyjnych, strukturach», — adznačyŭ kiraŭnik krainy.
«Siońnia vielmi važnaja sustreča — my sustrakajemsia napiaredadni pasiadžeńnia Vyšejšaha dziaržaŭnaha savieta. Nam treba jašče raz abmierkavać, mahčyma, navat i detali hetaha mierapryjemstva. Udakładnić, kali treba, datu. U biełaruskaha boku pakul niama nijakich źmianieńniaŭ adnosna hetaha. Kali jość jakija-niebudź u rasijskaha boku pytańni, my hatovy abmierkavać, tamu što viedaju, što vy pieražyvajecie niaprosty pieryjad farmiravańnia i ŭvachodžańnia ŭ narmalny rytm raboty ŭrada. Heta taksama vielmi važna momant», — skazaŭ kiraŭnik dziaržavy.
Pavodle słoŭ Łukašenki, druhaja pryčyna važnaści hetaj sustrečy ŭ tym, kab abmierkavać mižnarodny paradak dnia i namiecić pierśpiektyvy supracoŭnictva.
U svaju čarhu Siarhiej Łaŭroŭ pieradaŭ u adras kiraŭnika biełaruskaj dziaržavy pryvitańnie i najlepšyja pažadańni ad Uładzimira Pucina.
Kamientary